Anggur (inuman)
Anggur atawa wine nyaéta sarupaning inuman nu ngandung alkohol nu kadar alkoholna antara 14 nepi ka 16%, rata-rata 15%, inuman meunang férméntasi tina sari buah anggur nu seger.[1][2] Bisa disebutkeun wine nyaéta sajenis inuman tina hasil ngaragian anggur seger.[1] Ragi jeung gula nu aya dina buah anggur bakal ngahasilkeun alkohol jeung CO2.[1] Lamun prosés ngaragianna di jero rohangan nu kabuka, CO2 bakal geura menguap ka udara sedengkeun alkoholna bakal aya dina cairan.[1] Pikeun misahkeuna alkohol jeung cairan dilakukeun ngaliwatan cara penyulingan saluyu kana titik ngagolakna alkohol nu 80o jeung titik ngagolakna cai 100oC.[1] Ku aturan éta cairan tadi dipanaskeun maké suhu antara 80o nepi ka 100oC.[1] Dina kondisi normal, ragi bakal terus gawé aktif nepi ka kabéh gula dina anggur atawa grape robah jadi alkohol.[1] Prosés ngaragian bisa dieureunkeunkeun saméméh gula béak, nyaéta ku jalan; nambahkeun alkohol murni kana cairan éta nepi ka kadar alkoholna 15% tina volumena; nambahkeun asam sulfur pikeun ngabius ragi; nyaring larutan tadi ku filter nu alus pisan keur ngaluarkeun ragi.[1]
Klasifikasi Anggur
[édit | édit sumber]Ngelompokkeun anggur atawa wine dasarna mah gumantung kana buah anggur/grape nu diragian.[1] Numutkeun Grossman, wine dibagi jadi; (1) Natural wine/natural still wine, table wine, (2) Sparkling wine, (3) Fortified wine, (4) Aromatic wine.[1]