Reiderlound

Dät Reiderlound, düütsk: Rheiderland, niederloundsk: Reiderland, is n Gestrich in Düütsklound un do Niederlounde. Dät gränsed ruchwai in dät Aaste an ju Oamse, in dät Noude an dän Dullert, in dät Suude an Papenburg (Oamselound) un ju Meente Bellingwedde un in dät Wääste an do fröiere Meenten Winschoten un Scheemda in do Niederlounde.

Düütsklound

In Düütsklound heere do Meenten Weener, Bunde, Jemgum un dät Täärp Bingum (Meente Lier) tou dät Reiderlound. Ju grootsde Steede in dät Reiderlound is ju Stääd Weener. In dät Reiderlound wäd fuul dät Reiderlounder Platt boald.

Blick ap dät Reiderlound fon dän Oamsediek uut

Dät Reiderlound is ieuwenske dät Uurledingerlound, dät Moormerlound un dät Lengenerlound aan fon do fjauer historiske Loundskuppe fon dän Loundkring Lier. Fröier wieren deer in dät Suude fon dät Reiderlound Foane fon dät Bourtanger Foangebiet. Iewenske ne litjed Foan bie Wymeer is dät Eed däälich aal ougreewen. Dät Reiderlound häd fuul Weeden und deer bröide ne ganse Riege ferskeedene Fuugelsoorten. Dät Gebiet is siet dät Jier 2000 Europäsk Fuugelskutsgebiet.

In dät Reiderlound rakt dät ne ganse Riege historiske Säärken un Oargele. Ju bekoandste is ju Arp-Schnitger-Oargel in ju St. Georg-Säärke in Weener. In dät Täärp Bunderhee stound dät oolde Steenhuus Bunderhee, ju ooldste äärhooldene Buurich in Aastfräislound.

Niederlounde

Steede fon ju fröiere Meente Reiderland in ju Provinz Groningen

Reiderland in do Niederlounde waas bit tou n 1. Januoar 2010 ne oainstoundige Meente in ju Provinz Groningen. Dät Gebiet fon ju Meente waas 156,72 km² un deer woonden 7 004 Moanskene (2007). Däälich heerd dät Reiderland tou ju Meente Oldambt.

Diräkt ieuwenske dän düütsken Skeed juunuur Bunde lait dät Gränstäärp Bad Naiskans (nl: Bad Nieuweschans, düütsk: Bad Neuschanz), dät truch sien Thermoalbad "Fontana" uk in Nouddüütsklound gjucht bekoand is.

Ferbiendengen ätter buuten

Reiderlound ap Genealogie-Forum
Lieste fon do Oargele in dän Loundkring Lier (düütsk)
Lieste fon historiske Säärken in Aast-Fräislound (düütsk)

Meenten in ju Provinz: Groningen (do Niederlounde)
Eemsdelta \| Groningen \| Het Hogeland \| Midden-Groningen \| Oldambt \| Pekela \| Stadskanaal \| Veendam \| Westerkwartier \| Westerwolde \|

Meenten un Samtmeenten in Loundkring Lier
Meenten Aastrauderfeen \| Borkum \| Bunde \| Jemgum \| Lier \| Moormerlound \| Rauderfeen \| Uplengen \| Weener \| Westoverledingen Samtmeenten Samtmeente Hesel mäd do Meenten Hesel, Brinkum, Firrel, Holtlound, Neukamperfehn un Schwerinstäärp Samtmeente Jümme mäd do Meenten Tjootern, Filsum un Nortmoor