Sypressfamilien er ein familie med oftast eviggrøne bartre med skjelforma blad og små frøkongler. Familien har kring 30 slekter med mellom 135 og 169 artar, avhengig kva ulike bartreekspertar reknar som artar eller underartar. Mange artar blir bruka som prydtre i hagar og parkar.
Faktaboks
- Uttale
-
sypressfamilien
- Vitskapeleg namn
- Cupressaceae
- Beskriven av
-
Gray (nom. cons.)
Artar med skjelforma blad har som ungplanter ofte nåleforma blad (barnåler) som kan bli bevart når plantene blir formeira ved stiklingar. Nokre slike ungdomsformer vart tidlegare feiltolka som artar i ei eiga slekt kalla Retinospora.
I Noreg er det berre einer som er viltveksande. Andre viktige slekter er fjellmammuttre (Sequoiadendron), japanseder (Cryptomeria), kystmammuttre (Sequoia), småbiota (Microbiota), sumpsypress (Taxodium), tuja (Thuja), urtidstre (Metasequoia), vokstuja (Thujopsis) og to slekter som kallast sypress på norsk (Chamaecyparis og Cupressus).
Sumpsypress vart tidlegare ført til ein eigen plantefamilie, sumpsypressfamilien, men er no inkludert i ein underfamilie i sypressfamilien.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.