Oddbjørn er eit mannsnamn som går tilbake til det norrøne Odd-bjǫrn. I dette toledda namnet tyder forleddet ‘odd, spiss; spyd’ og etterleddet ‘bjørn’.
Oddbjørn (mannsnamn)
Personar med namnet Oddbjørn
Fyrste namneberar
Den fyrste som vart registrert med namnet i nyare tid, var Odbjørn Jonassen fødd 1893 i Stor-Elvdal (Hedmark).
Kjende personar med namnet Oddbjørn
Eit utval personar med namnet Oddbjørn, og som er omtalt i Store norske leksikon:
- Oddbjørn Hagen (1908)
- Oddbjørn Olgart Stølen (1937)
- Oddbjørn Engvold (1938)
- Oddbjørn Evenshaug (1938)
- Oddbjørn Tennfjord (1941)
- Oddbjørn Knutsen (1953)
Namnestatistikk
I 2022 var det 2 344 menn i Noreg som hadde Oddbjørn som det einaste førenamnet eller som det fyrste av fleire.
Utvikling i bruk av namnet
Oddbjørn høyrer til ei stor gruppe samansette nordiske namn som hadde toppfasen sin i kortare eller lengre tid innanfor perioden 1890–1969. I tillegg til Oddbjørn, som var på topp 1935–1939, gjeld dette til dømes Arnfinn, Arnulf, Asbjørn, Dagfinn, Gudmund, Jostein, Kolbjørn, Oddvar, Ragnvald, Sigmund og Torbjørn.
Utvikling i bruk av namnet Oddbjørn frå 1880
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Les meir i Store norske leksikon
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.