Monica Kristensen Solås – Store norske leksikon

Faktaboks

Monica Kristensen Solås

Fødd: 30. juni 1950, Torsby, Sverige

Monica Kristensen Solås er ein norsk glasiolog, leiar og krimforfattar som også er kjend for ekspedisjonane sine til Antarktis.

Forsking og ekspedisjonar

Ho er dr.philos. (Cambridge-universitetet, 1984) og vart forskar ved Meteorologisk institutt i 1984. I 1994–1998 var ho regionleiar for Værvarslingen for Nord-Noreg i Tromsø, i 1998–2003 var ho administrerande direktør for Kings Bay AS i Ny-Ålesund, og i 2004–2005 var ho generalsekretær i Redningsselskapet. Ho har delteke på fleire ekspedisjonar til Antarktis, mellom anna i 1986–1987 og 1993–1994, gav ut boka Mot 90° sør (1987).

Forfattarskap

Ho debuterte som kriminalforfattar i 2007 med ein Svalbardkrim av godt merke – Hollendargrava. Sysselmannsbetjent Knut Fjeld får her si fyrste vanskelege mordsak, og etterforskar så nye saker i Kullunge (2008), Operasjon Fritham (2009), Den døydde i Barentsburg (2011) og Ekspedisjonen (2014). Ut frå det miljøet bøkene går føre seg i har nokon kalla henne «snødronninga til kriminalromanen». Ho har òg gjeve ut den dokumentariske boka Kings Bay-saka (2012).

Les meir i Store norske leksikon

Kommentarar (1)

9. september 2009 skreiv Reidar Astås

Så vidt jeg kjenner til, brukes ikke ovennevnte gradsbetegnelse ved University of Cambridge, og ble heller ikke brukt der for 25 år siden. Det har respekt å stille med grad fra verdens 3. beste universitet, men den biograferte selv kan sikkert best svare på hvilken av i alle fall to ulike grader hun har ervervet seg.Med vennlig hilsenRA

Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.

Du må være logga inn for å kommentere.

Fagansvarleg for Bre- og snølære

Atle Nesje

Professor i kvartærgeologi, Universitetet i Bergen