Translasjon er ein prosess i cella, der protein blir bygd opp ved hjelp av eit mRNA-templat. Baserekkjefølgja i mRNA-molekylet blir omsett til aminosyrerekkjefølgja i proteinet som blir laga. Prosessen er det siste trinnet i proteinsyntesen. Translasjon finn stad på ribosoma i cella sitt cytoplasma. Translasjonen kan delast inn i tre trinn: initiering, elongering og terminering.
I den første delen av proteinsyntesen, såkalla transkripsjon, blir det danna ein mRNA-kopi av ein gensekvens som kodar for eit protein. I prokaryote celler skjer både transkripsjon og translasjon i cytoplasmaet av cella. I eukaryote skjer transkripsjonen i cellekjernen, før mRNA-kopien blir send ut i cytoplasmaet, der translasjonen finn stad.
Fleire protein og enzym deltek i translasjonsprosessen, og desse er noko ulike hjå prokaryote og eukaryote celler. Denne teksten skildrar translasjon hjå eukaroyte celler.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.