Buda

Buda

afgan

Yamu ɣ	bouddhisme
Anaw nɣ asrtu	awtm
Tamazirt n tɣlant	Shakya
Ism amzwaru	Siddharth
Ḍfṛism	Gautam
Titre de noblesse	prince
Assf n tlalit	1er millénaire av. J.⁠-⁠C.
Ida n tlalit	Lumbinî
Assf n tmttant	1er millénaire av. J.⁠-⁠C.
Ida n tmttant	Kusinâgar
Circonstances de la mort	causes naturelles
Père	Shuddhodana
Mère	Māyā
Frère ou sœur	Nanda, Sundari Nanda
Asmun niɣ d Tasmunt	Yashodhara
Enfant	Rahula
Famille, dynastie ou maison noble	famille de Siddhartha Gautama
Tutlayin s ar isawal, d s ar ittara	magadhi, pali, Tutlayt Tasanskritt
Élève de	Arada Kalama, Mah maudgalyana
Titre honorifique	Tathagata, Lord, Bhagavan
Résidence	Inde, Népal
Asgd d tnbaḍt ɣ ddunit	bouddhisme
Étape de canonisation	thaumaturge, avatar
Symbole iconographique	Caractéristiques physiques du Bouddha
Fait l'objet d'une vénération par	bouddhisme
Dernier repas	champignon, porc (viande)
Amussu	Noble Chemin octuple, nirvāna, dharma
Suivi par	bouddhiste
Remplace	Kashyapa
Yugm d sɣ dar	Dipankara
Événement clé	Siddhārtha's farewell to Channa and Kanthaka
Commémore	Tathagata, Bhagavan
Présent dans l'œuvre	Tipitaka, Pompoko
Asra	royaumes Mahâ-Janapadas
Monture	Kanthaka
Statut des droits d'auteur du créateur	droits d'auteurs ne pouvant plus être enfreints
Tag Stack Exchange	https://buddhism.stackexchange.com/tags/gautama-buddha

Iga s tidt Siddarta Gutama maccan ittyawssan s Buda, ilul ɣ usggʷas dat tlalit ɣ kra n mani ɣ uẓẓlmḍ n indya (lhnd), ɣ iffus n Nipal, ɣ wagns n yat twja tagldant, immut ɣ win 483 lliɣ dars tlla 80 n usggʷas, nttan ad igan aslmad mqqurn n usgd Abuday (niɣ d Tabudayt) ig ɣwalli as igan tirsal nns, asgd ad lli igan war akuc war takuct llan dars ɣilad mad yutin 500 n umlyun n umḍfar d tmḍfart ɣ ussutl n umaḍal.

Ism

Ism n Buda iga yan wassaɣ d ikkan tutlayt Tasanskritt बुद्ध iṭṭafn anamk n "Anfrak" niɣ d "ɣwalli ifrkn issntin ad issn ma illan".

Tudrt nns

Tlalit nns

F kra n warratn, ilul Buda ɣ Lambini ɣ uɣaras n Kapilavatsu (Yat tɣrmt imẓẓiyn illan tama n iwtta ngr Indya d Nipal) babas Suddudana iga agllid n Cakya, innas ism as Maya.

Ur ta as tfka tudrt, twarga innas is fllas ikcm yan yilw umlil, askka nns tssn is tusi ɣ uḥlig nns. D lliɣ t tlul, tlult t id ibidd f iḍarn nns d ɣikk ann nit, yan imalas hlli tmmut innas Maya tflt inn iga igigil, imqqur ilmma dar ultmas.

Tudrt nns

Izzri tudrt nns tazaykut ɣ tawant d tmaxirt, lliɣ ilkm 16 itahl d yat tgldunt ism as "Yacudara" lli rad as tfk tlalit i yan uɛyyal. Aẓlaḍ, takrrayt, tanḍṛt, aɣʷni, buhyyuf, aṭṭan, tarfafant ... ur jju tn iẓṛi akkʷ.

Ɣ utay n 29, yan wassf iffuɣ ugldun Siddarta (lli rad sul ig Buda) s bṛṛa n ibrgmmi ar ittlulluy, issuda kra n ukarru, ɣinn a ɣ nn iẓṛa yan uwssar, yan umahruc d miḍṛuṣ n yan ufgan, ɣ yat tklit hlli iẓṛa kullu ɣayad. Ukan ɣ akud ann ilmd is ur nit tgi tudrt ɣik lli tt yad itam nttan, tg kra yaḍni, issn ɣilad is d ɣ unck nna ikka ufgan ɣ tmaxirin n ddunit hati tarfafant d tmttant ad d iqqan.

Imnaggar sul d "Samana" yan umskan (zzahid) da ifln kra iṭṭaf mqqar d ɣik ann iddr ɣ tumrt. Ira Saddarta ad ig zun d ntta.

Asiggl n tidt

Ɣ yan ḍyiḍ, ifl Saddarta ibrgmmi nns d ku ma iṭṭaf, iftu nn ad ig yan amskan (zzahid) s yan irim ad inru aɣjaj nns, awa yaẓum aylliɣ ifta ad immt s laẓ, ifrk ukan ilmma is d ur as irni uẓum icqqan amya ɣ unẓaẓ d tidrfit n iman nns. Iqqan d ad yaf kra n tɣarast tanammast ngr sin-ad (tamaxirt d tarfafant). Ismd ɣ umssq nns dili yat taddagt lli mi issaɣ ism n "Budi" (tin ufrak).

"Mara" iga yan iman amillus idum ar as ittazn tifrxin fulknin bac ad t iɣwu, imil yugi Saddarta ad t iḍfṛ, iqqn d alln nns afad ad gisnt ur ittmnad. Ukan lliɣ t inra, issn Saddarta mas ilkm aswir n "Nirvana" ig ɣilad, "Buda" (anfrak). Ismagl agayyu nns ad issḥḍṛ i wiyyaḍ manmk a s ilkm aswir-ad n ufrak, ad ḍfurn mddn "Dhamma" (Aslmd) nns, tidt da ittawin s tidrfit.

Iwaliwn nns

Ɣid ɣi, kra n iwaliwn da inna Buda:

• iɣ trit ad tettaylalt fk ttisaɛ i kra k iẓẓiẓayn.

• Ur ta tsawlt, ajj awal nnk ad izri ɣ kṛaḍt n tiggura: is iɣʷẓan? Is ittɣawsa? Is ur ixʷcn?

• Tumrt ur jju rad tettli dar ɣwilli ur akkanin atig i ɣaylli yad ṭṭafn.

• Kra iga t ass ar daɣ tettlalat, aylli issiḥln iga t ma rad gis tskrt.

• Tanfalt ur jju tcqqi, aylli icqqan ad t igan d igiy n tnfalt.

• Afad ad tfhmt kra illan, ssurf i kra illan.

• Ad ur tsɣawalt tiɣawsiwin, kud nna rad jṛunt, rad jṛunt.

• Agayyu nnk iga yat tɣawsa idusn, kud nna t tfrnt s twngimin cwanin, rad tssnti tudrt nnk ad tettnfal.

• Iɣ dark iɛzza ixf nnk, ad ur tskart lada i wiyyaḍ.

• Tadusi ad igan asfk akkʷ yufn, lqnɛ ad igan ayda akkʷ yufn.

• Ur ar ttmnadaɣ ɣaylli yad skrɣ, ar ttmnadaɣ ɣar ɣaylli iyi iɣaman ur skrɣ.

• Ar takkat mqqar illa dark ɣar imikkuk.

• Ɣaylli ɣ tswingimt ad tgit.

• Ad tktit kra ixʷcnn iga zun d iɣ tusit kra n uẓaẓu ɣ ugayyu nnk.

• Anf i gar amudn zun d kra n yan iḥmln tudrt yanfn i uctci.