Thimphu

Artìculu in LSC

Panorama

Thimphu (in limba dzongkha ཐིམ་ཕུུུུ) est sa capitale e sa tzitade prus pobulada de su Bhutan, cabulogu de su distretu a cale dat su nùmene. Est posta in su cantone tzentru-otzidentale de s'istadu.

Sa tzitade est fraigada in diretzione norte-sud in sa parte otzidentale de sa badde formada dae su Raidāk e est sa de tres capitales a su mundu pro artària, prima in Àsia cun un' artària chi bàriat de 2.248 a 2.648 m.s.l.m. Annotamala, cosa insòlita pro una capitale, no est serbida dae un'aeroportu pròpiu, prusaprestu de s'Aeroportu Internatzionale de Paro, chi dd'istat casi 54 km a tesu.

Thimphu, tzentru polìticu e econòmicu de s'istadu, si fundat subra s'agricultura e sa pasadia de bestiamene, chi costuit su 45% de su PNB bhutanesu. Su turismu, mancari risursa importante pro sa tzitade e prus in generale pro s'istadu, est severamente reguladu pro more de sa chirca de un'echilìbriu intre s'abbisòngiu de mantènnere sa traditzione e s'abbisòngiu de s'abèrrere a s'isvilupu e a sa modernizzazione. Sa tzitade acasàgiat totu sos edifìtzios sede de su pòdere polìticu, foras de su Palatzu Dechencholing, residèntzia istiale de su Cabu de Istadu. De su 1998 est annotamala in cursu unu pranu, sustentadu dae sa Banca Mundiale e de s'Asian Development Bank, pro s'isvilupu e s'ampliamentu de su tzentru urbanu in su respetu de s'ecologia delicada de sa badde a inghìriu.

Sa cultura de su Bhutan agatat sa prena espressione in Thimphu pro cantu pertocat sa literadura, sa religione, sos costùmenes e totu cantu costituit s'identidade natzionale de s'istadu. Su monastèriu de Tashichoedzong, postu in sa periferia norte, acasàgiat unu de sos prus importantes tshechu de su paisu e oferret sa possibilidade de assistire a sa famada dantza cham.