Palaja

Artìculu in LSC

Cun su nùmene comune "palaja" s'intendet una casta de pisches de abba salida chi apartenit a sa famìlia de sos Soleidi e de sos Pleuronectidos. Sunt pisches sa cale evolussione los at batidos a tènnere sa postura corcada subra unu costàgiu, cun unu de sos duos ogros chi si est iscostiadu a costas de s'àteru, subra su ladu cara a sa superfìtzie de s'abba. Puru sa tintura at sighidu custa evolussione: su ladu cara a su fundu est biancu, cuddu cara in altu est mùrinu, benadu , mimèticu e medas vortas che a su camaleonte: sas palajas resessint difatis a càmbiare colore pro imitare s'ambiente in tundu gràtzias a sos Cromatoforos, tzèlulas cun pigmentos coloridos de s'epidermide.