Melbourne

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Melbourne

Posidura in Austràlia

Melbourne est una tzitade de Austràlia, segunda tzitade pro populatzione a pustis de Sydney, cun unos 3,6 milliones de bividores in s'àrea metropolitana. Su tzentru istòricu, sa City of Melbourne, tenet petzi 69.670 bividores (segundu datos de su tzensu de 2001). Sa tzitade est sa capitale de s'istadu de Victòria. Fiat istada capitale de Austràlia intre su 1901 e su 1927. Su Royal Exhibition Building de Melbourne est iscritu in sa lista de is Patrimònios de s'Umanidade de s'UNESCO.

Melbourne est situada in sa costera sud-esta de Austràlia, cosa chi nde faghet sa capitale de istadu situada prus in su sud de s'Austràlia continentale, est a nàrrere, sena contare Hobart in s'ìsula de Tasmània. Est situada a s'imbucada de su riu Yarra, a su chirru de sa baja de Portu Philip. Sa tzitade pigat su nùmene de s'antigu primu ministru britànnicu William Lamb, segundu visconte de Melbourne, su cale tìtulu nobiliare faghiat riferimentu in sa localidade inglesa de Melbourne a sa contea de Derbyshire. Su nùmene Melbourne, chi depet s'orìgine sua a su tèrmine anglosàssone mylla burne, signìficat «riu de su mulinu».