Coberrefogu

Artìculu in LSC

Coberrefogu in Palestina

Su coberrefogu o retiru obrigatòriu o avertu de recuìda est un'òrdine impostu massimamente de is autoridades istatales e/o militares a totu sos tziviles e a totu sos chi non tenent unu determinadu permissu emìtidu dae sas autoridades, chi cunsistet in s'òbligu de abarrare in sas domos issoro durante sas oras noturnas, e in s'in casu fintzas istudende ogni tipu de lughe.

Orìgines de su tèrmine

In carchi tzitade durante s'Edade Mèdia, a su fine de prevènnere sos fogos, fiat impostu s'istudamentu de ogni fogu, lùmene o linterna durante sas oras noturnas. In tale manera s'intentaiat de reduire sos arriscos de fogos atzidentales chi, durante sa note, teniant prus manna probabilidades de s'ispàrghere e de causare disacatos mannos.

Època moderna

Su coberrefogu est impreadu cando acontèssent problemas de òrdine pùblicu tales de fàghere difìtzile, a banda de sas autoridades, s'amparu de determinadas localidades, o cando sa populatzione tzivile curret s'arriscu de èssere posta in perìgulu, a esempru, de atziones de gherra de s'inimigu. In su casu chi s'arrischent bombardamentos aèreos, durante su coberrefogu est proibidu de allùere una calesisiat lughe, ide manera de fàghere prus difìtzile identificare sa posidura de unu tzentru populadu. A pustis de s'oràriu de cumintzu de su coberrefogu, sos tziviles e sos chi non tenent unu permissu, si depent retirare in sas domos issoro. In casu de violatzione s'àplicant sas santziones segundu sas normas militares o tziviles. A sa fine de su matessi totu torrat a sa normalidade.

Sa paràula coberrefogu est annotamala impreada in suspu de is pitzocheddos pro inticare s'oràriu de torrada in domo, in gènere impostu dae babos o tutores.