Tschuncaisma
|
Questa pagina è scritta en puter. |
Tschinquaisma (per rumauntsch grischun Tschuncaisma, noziun oriunda in lingua greca pentekostē hēmera = il tschinquauntevel di) es üna festa cristiauna chi vain celebreda 50 dis zieva Pasqua. La Bibgia raquinta i'l seguond chapitel dal cudesch dals fats dals apostels dal origen da Tschinquaisma.
Il prüm documaint chi manzuna Tschinquaisma scu üna festa ecclesiastica deriva da l'an 130.
Cuntgnieu
[modifitgar | modifitgar il code]I'l center da Tschinquaisma sto il Spiert Sench chi vain suringiò süls discipuls ramassos e'ls fo capabels da comunicher in tuottas linguas. In quist reguard es Tschinquaisma il cuntrari da l'istorgia da la fabricaziun da la tuor da Babel, in consequenza da la quela ils umauns gnivan deresos sül muond inter e perdaivan üna lingua cumünaivla.
Tschinquaisma vala per la festa da l'anniversari da la baselgia mundiela.
Litteratura
[modifitgar | modifitgar il code]- Jens Herzer: Ostern, Himmelfahrt, Pfingsten, Weihnachten. Was wissen wir über die Ursprünge des Christentums? (= Pasqua, Ascensiun, Tschinquaisma, Nadel. Che savainsa dals origens dal cristianissem ?) Brennpunkt Die Bibel. Tom 4. Evangelische Haupt-Bibelgesellschaft e von Cansteinsche Bibelanstalt, Berlin 2000. ISBN 3-7461-0144-1 (scrit inclegiantaivelmaing ed in medem möd scientificamaing)
- Alfons Weiser, Karl-Heinrich Bieritz, Henning Schröer, Petra Sevrugian: Pfingsten/Pfingstfest/Pfingstpredigt. (= Tschinquaisma/Festa da Tschinquaisma/Predgia da Tschinquaisma) In: Theologische Realenzyklopädie (= enciclopedia reela teologica). Berlin 26.1996, pag. 379–398. ISBN 3-11-002218-4 (Survista enciclopedica cun litteratura ulteriura)