Blues
Blues è ina furma musicala vocala ed instrumentala. Ella s‘ha sviluppa en la societad afroamericana da l’USA a l‘entschatta d‘il 20avel tschientaner. Il blues furma las ragischs d‘ina gronda part da la musica populara nordamericana. Jazz, rock, rock'n'roll e soul han in stretga parantella cun il blues. Schizunt en la direcziun da stil dil hip-hop san ins udir restanzas dal blues. Il pled blues vegn da la illustrativa descripziun englaisa I‘ve got the blues respectivamain I feel blue („Jau sun trist“).
Ragischs, istorgia, evoluziun
[modifitgar | modifitgar il code]
Las emprimas furmas dal blues cummenzavan en il tardiv 19avel ed tempriv 20avel tschientaner. Il Blues è ina autonoma furma d‘ina folclora naira US-americana. El cuntegn elements da musica africana, europeica ed caribica.
En la fasa tardiva era il blues mo in pitschna part dal repetori dals musicists afroamericans. El e vegni cumplettà cun schlagher, ragtime e songs da country. Blues era la musica da divertiment dals colurads.
Pir cun l´entschatta da la commerzialisaziun tras labels da plattas en ils onns 1920 cummenzava ina spezialisaziun per songs da blues.
Texts
[modifitgar | modifitgar il code]Texts da blues èn normalmain scrit en la furma da jau. Quai munta che lˋautur ni cantadur raquinta da vairas ni fictivas atgnas aventuras. Ma quellas èn il bia vegnidas generalisadas uschè ferm, chˋil auditur na sa betg identifitgar il auter. Savens sa tractan quels davart discriminaziun, tradiment, crim, resignaziun, amur nunreplicada, dischoccupaziun, fom, privels finanzials, encreschadetgna, solitariadad e malfidaivladad.