Taekwondo
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
 Ël taekwondo (태권도; 跆拳道) a l'é n'art marsial e spòrt ëd combatiment con soa adoss an Corea. A l'é motobin considerà e popolar për lë spetàcol ëd soe técniche ëd pé, e al di d'ancheuj a l'é un-a dj'art marsiaj pì popolar, con ëd milion d'aderent an tut ël mond. Conforma a la tradission, sò dësvlup a ancamin-a anviron 2000 agn fa, ma a l'é ciamà për da bon taekwondo apopré dal 1955. Al di d'ancheuj a l'é vnù në spòrt motobin ëspantià. Ant ij gieugh olìmpich ëd Seoul, Coréa dël Sud, dël 1988 ël taekwondo a l'ha fàit soa prima aparission an cost concors coma në spòrt d'esibission. Ant cost event a competìo 183 atleta (120 òm e 63 fomne) ëd 34 pais diferent an 8 diferent division ëd pèis tant për òm che për fomne. Ant ij gieugh olìmpich ëd Barslon-a (1992) a l'é stàit torna na competission d'esibission, e a l'é mach ai gieugh olìmpich ëd Sydney (2000) ch'a l'é vnù në spòrt olìmpich ofissial. Tae-kwon-do a veul dì "via dël pé e dël pugn". A l'é armarchévol che cost'art marsial as basa pa mach an sl'usage dël pé coma tanta gent a chërd an falendse; vàire técniche ëd taekwondo a deuvro ël cùbit e ëd forme ëd colp con la man, ël pé e fin-a ël gënoj (pr'esempi, për ës-ciapé tàule, mon e d'àutri oget). |
