La Ròuca
![]() |
Vos an lenga piemontèisa |
Për amprende a dovré 'l sistema dle parlà locaj ch'a varda sì. |
La Ròuca (Roccaforte Ligure an italian, Rocaforte an lìgure) a l'é un comun dël Piemont ëd 131 abitant [1], ant la provinsa ëd Lissandria. As treuva ant l'Apenin Lìgure, a caval antra la val dël torent Sisola, ch'a confluiss ant la Val Borbaja, e la val dël torent Spinti, ch'a confluiss ant la Scrivia. Stòria[modìfica | modifiché la sorgiss]![]() Ant l'àuta Età 'd Mes, ël teritòri dla Ròuca a l'era possediment ëd l'abassìa 'd Vendersi (ancheuj ant ël comun d'Albera), sota al podèj temporal dij vësco 'd Torton-a e djë sgnor Malaspin-a. Conossùa tanme Ròca 'd Pié, a passa 'dcò sota al contròl djë sgnor ëd Montàut e dël comun ëd Torton-a. Dël sécol ch'a fa XIV, tuta la region a meridion dla Borbaja a l'é anfeodà a la vajanta famija genoèisa djë Spìnola. Bon-a part dl'Oltragiov a ven a costituì j'ansidit Feod Imperiaj, valadì n'ampia banda dë sgnorìe feodaj a nòrd ëd Génoa ch'a dependìo diretament da l'Imperi Roman Sacrà e ch'a j'ero antitolà a le prinsipaj famije genoèise. Për sécoj jë Spìnola a goerno ël feod ëd la Ròuca e dla vzin-a Rochëtta e a l'inissi dël sécol ch'a fa XVII a ven-o antitolà Marchèis. Dal 1797 al 1805 la Ròuca a fa part prima dla Repùblica Lìgure, e peui ëd l'Imperi Fransèis ëd Napoleon Bon-a-part. Dël 1815 a intra ant ël Regn ëd Sardëgna. Dal 1819 al 1859 a l'é comprèisa ant la Provinsa ëd Neuve, sota la Division ëd Génoa. Dal 1859, an séguit a la riorganisassion aministrativa dël Decret Rattazzi (Lèj n.3702, 23 otóber 1859) a passa ansema a tut ël Circondari ëd Neuve a la Provinsa ëd Lissandria e al Piemont. Aministrassion[modìfica | modifiché la sorgiss]Ël sìndich a l'é Giorgio Giuseppe Torre (dal 14/06/2004, scond mandà da l'08/06/2009, ters mandà dal 26/05/2014). Anliure esterne[modìfica | modifiché la sorgiss]Arferiment[modìfica | modifiché la sorgiss]
|