Ada Byron King

	Vos an lenga piemontèisa
	Për amprende a dovré 'l sistema dle parlà locaj ch'a varda sì.

Ada Byron King, contëssa ëd Lovelace, a l'era nà a Londra dël 1815, fija dël poeta Lord Byron e d'Annabella Millbanke. Soa mare a l'ha ciamà la separassion da sò òm quatr ësman-e apress la nàssita d'Ada, a la qual a l'ha dàit fin da cita na formassion ëd caràter sientìfich.

A disset agn la mata a l'ha conossù Mary Sommerville, ch'a l'ha dun-a ancoragiala a mné djë studi matemàtich; bele che la fija a l'abia mai frequentà la scòla, a l'é stàita cudìa da vàire anstrutor arnomà, dont Sommerville midema e Augustus De Morgan.
Ël rancontr ch'a l'ha cangià sò travaj e soa vita a l'é avnùit dël 1833, cand ch'a l'ha conossù Charles Babbage. Con chiel a l'ha travajà, prima an sl'Angign dle diferense (n'angign për fé ij cont, mai livrà, për la stampa ëd tàule matemàtiche e astronòmiche), peui an sl'Angign analìtich, ël prim angign ëd càlcol programàbil për mojen dë schede.

Malgré soa salute motobin fràgil, dzortut apress la nassensa ëd soe tre masnà an tre agn, Ada Byron King a l'ha sempe travajà dur fin-a al 1852, ann ant ël qual a l'é mòrta ëd càncher. Ij sò travaj a j'ero sot-signà mach con j'inissiaj A.A.L.

A pòrto sò nòm

Compilator ADA