Denglish

Dialegd: Schbaimarisch

Denglish is en negativ wertender Begriff fer es starke Tendenz im Deitsche englische Worde zu verwende, net wails on deitsche Worde fehlt, sondern um zumindescht vermeintlisch modern, fordschriddlisch, schlau, iwwerlesche, international und hipp zu wirke. Die Tendenz gibt es sowohl fer de Sprachgebrauch on sisch, als ach fer Aischenome vor allem vun Gschäfde. Die Tendenze gibt es vor allem im Bereich Betriebwertschaft und de Werwung.

Zum Deel beruht des Denglisch ach doruff, dass ma in mansche Bereische, etwa EDV un Programmierung, tasäschlisch in hohem Maß uff englische Originalbischer zurickgreife muss. Haifische Schlisselwerder prägen sisch donn so oi, dass se gern, ach wenn die Laud deitsch redde und schreiwe, benitzt.

Die erschgenannt Tendenze henn auch dozu gführt, dass Begriffe erfunne und verwend worre sinn, die es im Enlische gar ned gebt oder die ebbes gonz onneres bedeide. Beischpiele:

• Public Viewing (effentlisches Fernsehgucke) is im englische Sprachraum e Leischefeier mit offenem Sarg.
• Castingshow nenne die Englischsprochische Talent Show
• Beamer nenne die Englischsprochische projector
• Box is nur im Deitsche en Begriff fer Laudschprescher, im Englische meents nur Kaschde
• Basecap nenne die Englischsprochische Base ball hat oder Base ball cap.

Kridik un Geschebeweschung

Zum ene die Uverschändlischkeit, die Denglisch in manche deitsche Texte noibringt, zum annere Lieb zur deitsche Sproch sowie e Aversion gesche die Ongewwer. un Wischdischduerabsischt, die hinner manschem Denglischgebrauch schdeckt, hot awwer ach kräfdische Kridik an Denglisch hevorgerufe, vun Journalischde, Schriftschdeller, Sänger, Polidiker und ach Kabaredische.<

De Verein für Deutsche Sprache vor allem schraibt Prodeschdbriefe an Firme un Oinrichtunge, die denne als "Sprachhunzer des Monats" ufgfalle sinn, un wähle de "Sprachpanscher des Jahres" und veranschdalde en jährlische "Tach der deitschen Sproch".

Kunscht

• Daniel „Dän“ Dickopf (Autor): Denglisch; En kridische Liedtext vun den Gruppe Wise guys zum Thema Denglisch

Weblinks

• Bernd Zimmermann: Denglisch für Anfänger Stand: 2014-01-07 ... aus Marketing, (E-)Business und ein wenig Lifestyle. Lischd von beliebte Denglish-Werder