Gun langwej
| Subclass of | Gbe  |
|---|---|
| Native label | Gungbe |
| Kontri | Benin, Naija |
| Indigenous to | Ouémé Department, Plateau Department, FCT, Lagos State, Ogun State |
| Located in the administrative territorial entity | Badagry |
| Writing system | Latin script |
| Ethnologue language status | 5 Developing |
| Wikimedia language code | guw |
Gun langwej (Gun: gungbe) na langwej wey Ogu pipul wey dey for Benin Riploblik an Naija dey tok. Gun langwej dey amog di langwej grup wey dem dey kol Gbe. Di langwej nia oda langwej like Fon, Agbome, Kpase, Maxi and Weme (Ouémé). Na dis langwej dem dey tok pas for Benin an dem dey yuz am tich for som skul-dem for Ouémé Department for Benin.
Na Gun langwej dem dey tok pas for di pat of Benin Riploblik wey dey for South for Porto-Novo, Sèmè-Kpodji, Bonou, Adjarra, Avrankou, Dangbo, Akpro-Missérété, Cotonou an ples-dem wey di Ogu pipul dey liv. Som smol Ogu pipul wey dey for South-West side for Naija sef dey spik Gun, espeshali for Badagry, Maun, Tube.
Dem don rait Gun langwej for 3 difren difren metod. Di three metod kopi di Latin alfabet. For Naija, dem don yuz di metod wey resembu di kind metod wey dem yuz rait Yoruba an oda langwej for Naija tek rait dis Gun langwej an dem dey yuz one smol dot for onda di wetin dem rait so dat pipul go no how to rid am. For Benin, dey yuz anoda rul tek rait Bibul for 1923 an dem kom du am wel wel for 1975 an now dem dey yuz am tich pipul how to rid an rait for skul. E wan jost bi like di langwej wey dem dey kol Fon, e dey yuz alfabet like ⟨ɛ⟩ and ⟨ɔ⟩. E get som pipul wey dey du dia best to bring som kain rul for how to yuz di langwej. For ezampul, di one wey Hounkpati Capo tok for 1990.