Depresion (clinico)
| Supkategoria di | depressive disorder, mental depression, disease, mental health  |
|---|---|
| Faseta di | women's health, men's health |
| Causa | genetics, environmental factor, Q127525993 |
| Health specialty | psychiatry |
| Symptoms and signs | depressive syndrome |
| Possible treatment | Antidepresivo, psychotherapy, transcranial magnetic stimulation, light therapy, ehercicio fisico |
| Risk factor | substance abuse, chronic condition, family medical history |
| ICD-9-CM | 296.30, 296.20, 296.2, 296.3 |
| NCI Thesaurus ID | C34796 |
Depresion of depresion mayor ta un trastorno di humor caracterisa pa depresion intenso of falta di gana di biba. Den idioma di tur dia, "depresivo" of "deprimi" ta ser uza pa describi diferente estado di animo, cu ta varia for di un depresion temporario pa uno severo. Sinembargo, no ta tur estado di animo depresivo of di tristesa tu un malesa mental. E nomber di depresion unipolar ta ser uza tambe pa distingui di depresion den trastorno bipolar.
Inicio di depresion mayor ta un desorden mental caracterisa pa por lo menos dos siman di humor abou, autoestima abou, y perdida di interes of placer den actividadnan normalmente agradabel. E curso di e malesa ta varia masha, for di un episodio temporario cu ta dura varios luna te na un malesa cronico cu episodionan depresivo mayor recurrente.
E diagnostico di malesa depresivo ta basa ariba e persona su experencia, e bida diario cu a wordo afecta negativamente, comportacion cu su famia of amigonan ta reporta, y examinacion di estado mental pa un psicologo of psikiatra.
Un calculacion di 350 miyon hende mundialmente ta sufri di depresion.[1] Na 2006 pa 2012, e Centraal Bureau voor de Statistiek di Hulanda, a conclui cu 15% di hende muhe y 10% di hende homber cu origen Antiano Hulandes of Arubiano tabatin sintinan di depresion den e delaster aña. Antiano/Arubianonan tin relativamente mesun tanto sinti di depresion cu un Hulandes nativo, pero e Antiano/Arubianonan ta ricibi hopi menos antidepresivo. E hecho cu nan ta ricibi menos antidepresivo no ta automaticamente nifica cu nan ta sufri menos di depresion, pues e ta posibel cu nan ta busca nan refugio den otro forma di tratamento of un otro motibo lo por ta cu depresion den e grupo aki ta ser menos bon reconoci.[2]
Sintomanan
[editá | editá fuente]Diagnostic and Statistical Manual of Mental Disorder (DSM) ta un sistema di clasificacion Mericano pa malesa mental, publica y prepara pa American Psychiatric Association (APA). Segun DSM-V un episodio depresivo mester cumpli cu e siguiente criterio:[3]
A. Cinco (of mas) di e siguiente sintomanan tabata presente den e mesun periodo di dos siman y ta diferencia for di e funcion anterior. Por lo menos un di e sigiente e sintomanan mester ta presente; esta (1) un mal humor, of (2) perdida di interes of placer .
- Un mal humor (den mucha y adolescente e situacion por ta agita)
- Notablemente a baha interes of placer den (casi) tur actividad
- Perdida di peso of cambio di apetito (den mucha, mester tene cuenta cu no yega na e aumento di peso cu ta spera).
- No por drumi of drumi dimas.
- Agitacion psicomotorico (agitacion fisico) of retraso.
- Perdida di energia
- Sintimento di invalidez of sintimento di culpa excesivo of inhusto.
- Reduccion pa pensa of concentra, of falta di determinacion.
- Pensamento recurrente di morto (no solamente miedu di muri), pensamento di suicidio sin un intencion specifico di suicidio, of un intento di suicidio, of un plan specifico di suicidio.
B. E sintomanan no ta cumpli cu e criterionan pa un episodio combina, pues no tin niun tiki caracteristica maniaco.
C. E sintomanan ta causa afliccion clinicamente significante of deterioracion den areanan social, ocupacional of otro condicionnan importante.
D. E sintomanan no ta e resultado di efecto fisiologico directo di uzo di droga (por ehempel, droga of medicina) of di un malesa somatico (por ehempel hipotiroidismo)
E. E sintomanan no por ser atribui solamente na tristesa, manera rouw y perdida di un ser keri. Nan ta persisti pa mas cu dos luna y ta ensera funcionamento deteriora, preocupacion cu no tin balor, pensamentonan suicidal, sintomanan psicotico, of retraso psikomotorico.
Causa
[editá | editá fuente]Ta kere ku desorden depresivo mayor ta causa pa un combinacion di factornan genetico, ambiental, y psicologico, cu mas of menos 40% di e prevalencia ta genetico. Factornan cu ta aumenta riesgo ta inclui un historia familiar di e condicion, cambionan grandi of importante den bida, cierto medicamentonan, problemanan cronico di salu, y desordennan di uzo di substancia.
Desaroyo
[editá | editá fuente]Un hende muhe tin un chens di 23% di experencia depresion un biaha den su bida compara cu un chens di mas of menos 13% pa hende homber. E chens di recaida despues di e prome depresion ta mas of menos 30% y e chens ta keda aumenta cu cada recaida. Ademas, e recuperacion for di un episodio depresivo ta hopi biaha incompleto, cu sintomanan restante cu ta persisti y ta aumenta e posibilidad di recaida den un episodio depresivo nobo. Un ehempel di sintomanan restante ta cu un hende cu ta sufri di depresion ta corda informacion positivo menos bon cu hende cu no a sufri di depresion. Nan ta corda informacion negativo mas miho. Hasta despues di recuperacion, e celebro ta desvia di uno normal.[4]
Fuente, nota i/òf referensia
|