Joan Mosc
Joan Mosc (vèrs 550 - 619) foguèt un monge e un teologian bizantin de Siria. Es un sant de la Glèisa Ortodoxa.
Nasquèt vèrs 550, probablament a Damasc, e venguèt monge au monastèri de Sant Teodòsi au sud-èst de Jerusalèm. Puei, acomencèt un lòng viatge dins l'Empèri Roman d'Orient. Anèt en Egipte e dins lo desèrt de Libia en 578, dins la region dau Mont Sinaï en 583, a Antiòquia en 604, un segond còp en Egipte en 607, a Chipre en 614 ò en 615 e a Roma onte moriguèt.
Figura dau miticisme ortodox, son òbra principala es lo Leimon (« lo Prat Espirituau » en occitan) que conta seis experiéncias personalas e sei rescòntres ambé plusors mèstres de l'ascèsi. Seis escrichs donan tanben una vision dei practicas monacalas orientalas dau periòde.