Ivèrn volcanic
Un ivèrn volcanic es una baissa dei temperaturas entraïnada per la preséncia de quantitats importantas de cendres volcanics e de gotetas d'acid sulfuric dins l'atmosfèra. Aquò es lo resultat d'una ò de mai d'una erupcion volcanica poderosa. D'efiech, aquelei particulas pòdon rebatre lo raionament solar, çò que causa un refrejament d'amplor dau clima. Dins lo cas d'una erupcion coma aquela de Pinatubo en 1991, pòu agantar 0,5 °C e durar quauqueis ans. Après aquela de Laki en 1783, l'agricultura europèa foguèt trebolada durant lo rèsta deis ans 1780. Enfin, l'erupcion d'un supervolcan pòu aver d'efiechs fòrça negatius sus lo vivent (disparicion d'espècias, d'ecosistèmas ò crisis biologicas).