Gershon Kingsley

Götz Gustav Ksinski, dich Gershon Kingsley, nascut lo 28 d'octobre de 1922 a Bochum en Alemanha e mòrt lo 10 de decembre de 2019 a Nòva York als Estats Units, es un musician e compositor de musicas electroacousticas, pop e jazz. Mai tardivament, s'es tanben virat cap a la musica new age.

Director d'orquestra a Broadway, après aver descobèrt lo Moog ven un pionièr de la musica experimentala e mai precisament de la musica electronica, vist qu'es lo compositor en 1969 del títol culte Popcorn, un tèma qu'es estat lo primièr tube electro a un nivèl internacional, représ per de nombroses interprèts. Aital, existís mai de cinq cents versions de Popcorn, coma per exemple la de Hot Butter en 1972 (benlèu la mai coneguda), o encara la de Jean-Michel Jarre en 1973.