Clau (criptografia)

Una clau es un paramètre utilizat al començament d'una operacion criptografica (chiframent, deschiframent, tancadura, signatura numerica, verificacion de signatura).

Una clau de chiframent pòt èsser simetrica (criptografia simetrica) o asimetrica (criptografia asimetrica): dins lo primièr cas, la meteissa clau servís a chifrar e a deschifrar ; dins lo segond cas s'utiliza doas claus diferentas, la clau de chiframent es publica alara qu'aquela que servís al deschiframent es gardada secreta (la clau secreta, o clau privada, se pòt pas se deduire de la clau publica).

Una clau pòt se presentar jos mai d'una formas: mòts o frasas, procedura per preparar una maquina de chiframent (connexions, cablatge, eca. Veire maquina Enigma), donadas codificadas jos una forma binara (criptologia modèrne).

La proteccion donada par un algoritma de chiframent es ligada a la longor de la clau, que pòt s'exprimir en Bits. En fach, la longor de la clau quantifica lo nombre maximal d'operacions necessàrias al deschiframent. Es doncas un tèrme superior sus la securitat del sistèma. A l'ora d'ara, es recomandat d'utilizar de claus d'al mens 128 bits pels sistèms symetrics, aquò significa que la clau es una seguida aleatòria de 128 zèros o uns (existís doncas 2¹²⁸ valors possiblas per una clau de 128 bits). Per las claus asimetricas, lo problèma es mens simple: le nombre maximal d'operacions es obtengut per l'ensag sistematic de totas las claus possiblas. Mas, pels sistèmas asimetrics, que son mai sovent bastits sus de problèmas d'aritmetica, totjorn existís de mejans plan mens cars en temps, a saber la resolucion du problèma aritmetic sosjacent. Concrètament, se consideram lo sistèma RSA per una clau de 1024 bits (gaireben l'estricte minimum d'ara) es pas necessari de testar las 2¹⁰²⁴ claus, « Sufís » de factorizar un nombre que l'escritura binara compòrta 1024 bits, çò qu'es fòrça mai simple, pasmens que totjaorn totalament infasable a l'ora d'ara (se podèt factorizar de nombres anant fins a 768 bits, mas en 2 ans e mièg, amb de ressorga informaticas fòrça importantas).

Las talhas de claus entre sistèmas simetrics e asimetrics devon doncas pas èsser dirèctament comparadas, e se dins lo cas de la criptografia simetrica, lo fach de saber que la clau fa 128 bits pòt èsser rassurant, es fòrça mens evident de jutjar de la securitat dels sistèmas asimetrics segon la talha de la clau. Atal, des sistèmas basats sus de corbas elliptica demandan de talhas bien inferieuras a aquela de RSA per un nivèl de securitat equivalent.

Vejatz tanben

• Longor de clau

Ligams extèrnes

(fr) Calcular una bona tanha de clau (www.keylength.com)