Barbara Stanwyck

Barbara Stanwyck dins leis annadas 1960.

Barbara Stanwyck, nascuda Ruby Catherine Stevens, (16 de julhet de 1907, Nòva York - 20 de genier de 1990, Santa Monica) es una actritz estatsunidenca de cinèma. Comencèt sa carriera a la fin dau cinèma mut e venguèt famosa gràcias a sei ròtles dins de films sorns (Double Indemnity en 1944 o Clash by Night en 1952). Pasmens, dins lo corrent de sa carriera, capitèt de s'illustrar dins d'estiles cinematografics fòrça variats coma lo melodrama (Stella Dallas en 1937), lo western (Forty Guns en 1957), lo film policier, la comèdia (The Lady Eve en 1941 e Ball of fire en 1941) e lo film sociau. Recebèt un Oscar d'onor en 1982.