Arsèni Vermenosa
Arsèni Vermenosa (Vielha d'Aitrac, Auvèrnhe, 27 de setembre de 1850 - Aitrac, 8 de genièr de 1910) z-es un daus poètas occitans mai famós dau país d'Auvèrnhe. Fuguèt un membre eminent e animaire dau Felibritge d'Auvèrnhe. Visquèt quauques annadas a ras de Toledo (Espanha) amb sa familha, d'ont, tre 1879, mandèt de collaboracions a l'Avenir du Cantal. S'installèt mai tard a Orlhac e s'avodèt intensament a chantar son país e sas gents, dins l'esperit dau Felibritge.
"L'Avenir du Cantal" èra lo jornal dau Partit Radical, d'esquèrra (anuèit puslèu antioccitan). Son chap dins lo departament de Chantau, Auguste Bancharel, publicava de suplements dau jornal en lenga d'òc. Lo jove Arsèni Vermenosa teniá per aquelas idèas e manifestava un cèrt anticlericalisme. Mai tard visquèt una evolucion progressiva cap a la religiositat, e escriguèt dins d'autres revistas e jornals, amb un ton devociós.
Aprèp la desfaita francesa de 1870, escriguèt, coma Frederic Mistral, de poèmas patriotics franceses en occitan.
Òbras
[modificar | Modificar lo còdi]- Flor de Brossa <Flour De Brousso> (1896)
- Jos la Clujada <Jous la Cluchado> (1909)
- En plein vent (1900), recuèlh en francés
- Mon Auvergne, recuèlh en francés amb de comentaris que s'i fa sentir l'occitan.
Ligams extèrnes
[modificar | Modificar lo còdi]- Pagina d'un sit auvernhat sus Arsèni Vermenosa
- Sit consacrat a Vermenosa per sa vila Eitrac, pas qu'en francés per ara
- Poèmes d'Auvergne d'Arsèni Vermenosa dits per Alphonse Establie a Deezer (fons de la Bibliothèque Nationale de France http://gallica.bnf.fr/ark:/12148/bpt6k8820354p.r=dialecte.langFR)
- Lectura del poema Viva la libertat! de 1908
- poema Viva la libertat! de 1908 publicat dins la revista "Vai-i qu'as paur !"
- Tèxtes d'Arsèni Vermenosa sus Wikisource
