Agéncia de notacion

Una agéncia de notacion es una entrepresa o una institucion que se carga de la notacion de las collectivitats (Estats…) o de las entrepresas segon de critèris definits par una reglamentacion o pels actors del mercat.

Istoricament, las primièras agéncias de notacion son las Agéncias de notacion financièra coma Fitch Ratings, Moody's e Standard & Poor's. Aquelas agéncias opèran, contra remuneracion, sus demanda de las entrepresas (e tanben de las collectivitats publicas) que vòlon èsser notadas. Pasmens lor independéncia foguèt discutida dempuèi l'afar Enron e la crisi financièra de 2008.

E mai, fòrça institucions financièras an lor pròpri servici de notacion de las entrepresas e collectivitats, per l'exemple de la Coface.

Istoric

La notacion apareguèt als Estats Units d'America ont se desvolopava lo mercat financièr al sègle XIX. La panica de 1837 faguèt sentir lo besonh d'evaluar la solvabilitat de las entrepresas: en 1841 a Nòva York nasquèt The Mercantile Agency, primièra societat d'analisi financièra de crèdit.

Amb lo desvelopament dels camins de fèrre americans, los importants investiments de las companhiás ferroviàrias necessitan lo recors al mercat obligatari prèp de las gents e dels investidors institucionals. John Moody creèt en 1909 la Moody's Investors Services Incorporation, que vendèt sos estudis estatistics sus l'activitat de las companhiás ferroviàrias. Puèi foguèron creadas The Poor's Publishing Company (1916), The Standard Statistic Company (1922), The Fitch Publishing Company (1924, especializada dins la notacion del sector bancari e comunal), The Duff and Phelps Corporation}} (1932, especializada dins la notacion del sector de las companhiás d’electricitat). La crisi de 1929 e la bancarota de la Penn Central Transportation Company en 1970 se renovèt lo mèstièr de las agéncias que notèron mai severament e analisèron pus simplament las credència de long tèrme (obligacions) mas tanben de cort tèrme (bilhets de tresorariá). Son totjorn mai reguladas, entre autre per la Securities and Exchange Commission (SEC) que edicta de leis financièras. Dins los ans 1970, la mondializacion provòca las doas principalas agéncias americanas Standard & Poor's e Moody's e devolopan, lors servicis sul mercat internacional. Parallèlament se creèron d'autras agéncias nacionalas que sonque trabalhan qu'al plan local^[1].

Agéncia de notacion e responsabilitat sociala de las entrepresas

Apareguèt, dins lo domeni del desvolopament durable, d'agéncias notant las entrepresas segon de critèris socials e environamentals. Aquelas agéncias determinan a partir de divèrses critèris lo nivèl de responsabilitat de l'entrepresa, la responsabilita sociala de las entrepresas al respècte del desvolopament durable.

Al començament, las agéncias de notacion atal especializadas trabalhan subretot pels investidors del domeni de l'investiment socialament responsable (ISR).

En plena expansion, aquel sector inclusís une trentena d'estructuras exclusivas, que las mai importantas son en Euròpa: Oekom en Aleemanha, Triodos als Païses Basses, Avanzi en Itàlia, e en França BMJ Ratings, Vigeo, EthiFinance o diversum SAS.

Las agéncias de notacion financièra en question

Article detalhat: Agéncia de notacion financièra.

La crisi bancària e financièra de 2008 met en question la nocion d'independéncia de las agéncias de notacion financièra^[2] perque fòrça investidors se planhèron de la manca de reactivitat d'aquelas pendent la crisi mas subretot de la manca d'exactitud de lor nòta, çò que faguèt mancar l'ocasion de s'aparar vertadièrament dels risques ligats als instruments financièrs reputats èsser sens risc.

Nòtas e referéncias

Vejatz tanben

Articles connèxes

Ligams extèrnes

[1] PDF (fr)La notacion financièra

[2] (fr)entreten amb Christine Lagarde al subjècte

[1]

[2]