[go: up one dir, main page]
Hopp til innhald

Sylvi Listhaug

Frå Wikipedia – det frie oppslagsverket
Sylvi Listhaug

Sylvi Listhaug
Foto: Tore Sætre
Fødd25. desember 1977 (46 år)
Ørskog kommune
Statsborgar avNoreg
PartiFramstegspartiet
YrkeAdjunkt, politikar
Utdanna vedHøgskulen i Volda
Spjelkavik vidaregåande skule
EktefelleEspen Espeset
MedlemFramstegspartiets Ungdom
Europeisk Ungdom
VervLeiar av Framstegspartiet 8. mai 2021–
FøregangarSiv Jensen
VervOlje- og energiminister 18. desember 2019– 24. januar 2020
FøregangarKjell-Børge Freiberg
EtterfylgjarTina Bru
VervEldre- og folkehelseminister 3. mai 2019– 18. desember 2019
FøregangarÅse Michaelsen
EtterfylgjarTerje Søviknes
VervNorsk justis-, beredskaps- og innvandringsminister 17. januar 2018– 20. mars 2018
FøregangarPer-Willy Amundsen
EtterfylgjarTor Mikkel Wara
VervNorsk innvandrings- og integreringsminister 16. desember 2015– 17. januar 2018
Alle verv

Sylvi Listhaug (fødd 25. desember 1977 i Ålesund) er ein norsk politikar frå Framstegspartiet, som sidan 8. mai 2021 har vore leiar for partiet.

Listhaug har tidlegare vore landbruks- og matminister i Solberg-regjeringa, frå 2013 til 2015. Frå den posten gjekk ho til å vera Innvandrings- og integreringsminister i Justis- og beredskapsdepartementet, ein ministerpost som blei oppretta med verknad frå 16. desember 2015.[1] Ho var justis-, beredskaps- og innvandringsminister frå 17. januar til 20. mars 2018.[2] Ho fekk ny ministerpost som eldre- og folkehelseminister frå 3. mai 2019, før ho vart olje- og energiminister frå 18. desember 2019 til 24. januar 2020.

Listhaug har vore medlem av sentralstyret i Framstegspartiet sidan 2005. Har var finanspolitisk talsperson for partiet, etter at Frp gjekk ut av regjeringa Solberg i januar 2020.[3] Listhaug var byråd med ansvar for pleie- og omsorgstenesta, sosialtenesta, rusomsorga og barnevernet i Oslo 2006–2011. I åra 2009–2011 fungerte ho også som byrådsnestleiar.

Bakgrunn

[endre | endre wikiteksten]

Listhaug er oppvaksen på ein familiegard med mjølkeproduksjon i Ørskog på Sunnmøre.[4] Som tenåring var ho ivrig fotballspelar. Ho har studiekompetanse frå Spjelkavik vidaregåande skule frå 1996 og utdanning som adjunkt med fordjuping i samfunnskunnkap, historie og spesialpedagogikk frå Høgskulen i Volda frå 2000.

Ho hadde ei praktikantstilling i representanthuset i Washington, D.C. 2004–2005. Hausten 2006 var ho tilbake i Washington, D.C. i fire månader for å studere amerikansk politikk. Ho var pleieassistent ved Ørskog aldersheim 1995–2000 og faglærar ved Sjøholt skule i Ørskog 2000–2001. I 2012 blei ho seniorrådgjevar i PR-byrået First House i Oslo.

Sylvi Listhaug er gift og har born.

Politisk karriere

[endre | endre wikiteksten]

Sylvi Listhaug har sin politiske bakgrunn frå Framstegspartiets Ungdom, der ho sat i sentralstyret 2002–2006. Listhaug var politisk rådgjevar for Framstegspartiets fraksjon i Stortingets kyrkje-, utdannings- og forskingskomité 2001–2004 og byrådssekretær for Margaret Eckbo i 2005. Då Eckbo trekte seg som byråd, overtok Listhaug som byråd for helse og eldreomsorg i januar 2006.

Som byråd ønskte Listhaug blant anna å gjera Oslo til eit utstillingsvindauge for fritt brukarval i eldreomsorga,[5] og stod bak innføringa av fritt brukarval innanfor heimehjelpstenesta i 2006. I 2011 blei fritt brukarval også innført i heimesjukepleia.[6] Listhaug har også gått inn for å auka satsinga på heimehjelp[7][8] samt gjeninnføra aldersheimane[9][10] i Oslo. Listhaug er oppteken av å auka kvaliteten på sjukeheimane og har innført Lotte-modellen[11] ved blant anna Fagerborghjemmet, Manglerudhjemmet og Lilleborg sykehjem i Oslo.[12][13]

I august 2009 blei det sett søkeljos på Listhaug si involvering i Sjukeheimsskandalen i Oslo.[14] I februar 2010 tok Erling Folkvord frå Raudt til orde for at Listhaug burde ha gått av som følgje av saka.[15]

Ho var vararepresentant til Stortinget frå Møre og Romsdal 2001–2009, deretter 1. vararepresentant frå Oslo 2009–2013, og møtte i til saman tre månader.

Korridorpolitikar (lobbyist) i First House

[endre | endre wikiteksten]

I 2012 vart Listhaug seniorrådgjevar i PR-byrået First House i Oslo, og arbeidde der til ho gjekk inn i regjeringa i 2013.[16][17] [18][19] [20] I samband med at Oslo kommune arbeidde for å få Vinter-OL til Oslo i 2022, fekk Listhaug oppgåva med å overtala Framstegspartiet til å stemme for ein statsgaranti for dette arrangementet.[21] [22] Etter at Høgre sa endeleg nei til å gje statsgaranti, trekte Oslo kommune søknaden om å få Vinter-OL i 2022 og etaten Oslo2022 vart avvikla 31. desember 2014.[23]

Kjelder

[endre | endre wikiteksten]
  1. ↑ regjeringen.no Endringer i regjeringen 16.12.2015
  2. ↑ «Endringer i regjeringen». Regjeringa.no. 17. januar 2018. Henta 18. januar 2018. 
  3. ↑ ««Nye» Frp klart på Stortinget», document.no (på norsk bokmål), 28. januar 2020, henta 28. januar 2020 
  4. ↑ Vermes, Thomas (16. oktober 2013). «Sylvi Listhaug: - Eg er ei stolt odelsjente». ABC Nyheter. Arkivert frå originalen 19. oktober 2013. Henta 18. oktober 2013. 
  5. ↑ Dagbladet: Oslos nye sosialbyråd ... er oppriktig glad i gamle mennesker. Kanskje er det derfor hun vil sette dem ut på anbud.
  6. ↑ Oslo Kommune: Hjemme Best.
  7. ↑ Aftenposten: Mer og bedre hjemmehjelp
  8. ↑ Østkantavisa: Best i klassen igjen.[daud lenkje]
  9. ↑ Aftenposten: - Å legge ned aldershjemmene var en gigantisk tabbe, mener eldrebyråd Sylvi Listhaug.
  10. ↑ Nordre Aker Budstikke: Første Omsorg+ åpnet.
  11. ↑ NRK Puls: En fest å bli gammel
  12. ↑ Lokalavisen Frogner: Fagerborghjemmet er himmelriket
  13. ↑ Lokalavisen: Lilleborg vant Lotte-trekningen
  14. ↑ TV2: Anklager kommunen etter sykehjem-skandale
  15. ↑ P4: Sykehjemsskandalen: - Byråden bør gå
  16. ↑ https://www.dagbladet.no/nyheter/erna-far-ikke-se-first-house-listhaugs-hemmelige-kundeliste/62264614
  17. ↑ https://www.nettavisen.no/politikk/--hva-har-sylvi-listhaug-a-skjule/3698894.html
  18. ↑ https://e24.no/jobb/frp-listhaug-til-first-house/20128280
  19. ↑ http://www.dagsavisen.no/innenriks/matgiganter-hyret-inn-first-house-1.296158
  20. ↑ http://www.dagsavisen.no/innenriks/listhaugs-hemmelige-oppdrag-for-first-house-1.279122
  21. ↑ https://www.dagbladet.no/sport/faktura-avslorer-sylvi-listhaug-ble-betalt-for-a-pavirke-fremskrittspartiet/69197695
  22. ↑ https://www.dn.no/meninger/2017/12/21/2058/Leder/dn-mener-ugreit-med-muldvarp-i-frp
  23. ↑ Oslo kommune stanser OL-planene

Bakgrunnsstoff

[endre | endre wikiteksten]
Commons har multimedium som gjeld: Sylvi Listhaug


Henta frå «https://nn.wikipedia.org/w/index.php?title=Sylvi_Listhaug&oldid=3483011»