Mayday
Mayday er eit internasjonalt nødsignal for skip og luftfartøy som blir brukt over radiotelefoni. Det er avleidd av det franske uttrykket m'aidez!, 'hjelp meg!'. Bruken blei vedteken i 1948.[1]
Bruken av ordet oppstod i 1923, då ein radiooffiser ved Croydon lufthamn i London blei beden om å finna eit ord som kunne uttrykka nød og var lettå forstå av alle flygarar og bakketeneste i ein nødsituasjon.[2] På denne tida føregjekk mykje av flytraffiken mellom Croydon og Le Bourget lufthamn i Paris. Offiseren, Frederick Stanley Mockford,[3] føreslo uttrykket «mayday» frå det franske m'aider ei kortform av venez m'aider ('kom og hjelp meg').[4]
Før ein tok i bruk «mayday» var morsesignalet SOS eit tilsvarande nødsignal. I 1927 tok International Radiotelegraph Convention i Washington i bruk stemmesignalet «mayday» i staden for SOS.[5]
Kjelder
[endre | endre wikiteksten]- ↑ «mayday». Store norske leksikon (på norsk). 28. september 2014.
- ↑ «Why Mayday?». Research Questions. National Maritime Museum Cornwall. Henta 1 May 2013.
- ↑ «It’s MayDay – But That Means Trouble for Aviators». Arkivert frå originalen 24. mars 2019. Henta 30 March 2018.
- ↑ Oxford Dictionaries, "Mayday", arkivert frå originalen 9. juli 2016, henta 31. desember 2018
- ↑ In 1927, the International Radiotelegraph Convention of Washington adopted "mayday" as the radiotelephone distress call Radiotelegraph Convention of Washington Arkivert 2014-03-08 ved Wayback Machine., s 81.
- Delar av denne artikkelen bygger på «Mayday» frå Wikipedia på engelsk, den 31. desember 2018.