Lofotens budstikke
Lofotens budstikke var ei norsk lokalavis som kom ut i Vestvågøy i perioden 1895-1897[1]. Ho var den fyrste avisa som vart utgjeven i Vestvågøy. Redaktør var Chr. Christoffersen, som òg var lærar og formann i likningsnemnda. Avisa var skriven for hand av redaktøren[1]. Etter planen skulle ho koma ut to gongar for månaden, men utgjevinga var uregelmessig, både av di redaktøren var oppteken med arbeidet i likningsnemnda og skulen, og nokre gongar av mangel på papir. Lofotens budstikke var ei venstreavis, i samsvar med den politiske ståstaden til redaktøren. Mykje av stoffet handla om kommunale saker, men òg om tilhøvet mellom Noreg og Sverige, som på denne tida ikkje var det beste[1].