Hod HaSharon
| Hod HaSharon | |||
| هود هاشرون, הוֹד הַשָּׁרוֹן | |||
| by | |||
 | |||
|
|||
| Namneopphav: Prakta på Sharonsletta | |||
| Land |  Israel
| ||
|---|---|---|---|
| Distrikt | Sentral | ||
| Koordinatar | 32°09′N 34°53′E / 32.150°N 34.883°E | ||
| Areal | 19,24 km² | ||
| Folketal | 51 035 (2012) | ||
| Folketettleik | 2 653 / km² | ||
| Grunnlagd | 1964 | ||
| • Bystatus | 1990 | ||
| Borgarmeister | Hai Adiv | ||
 Hod HaSharon 32°09′00″N 34°53′00″E / 32.15°N 34.883333333333°E | |||
  Kart som viser Hod HaSharon.
| |||
| Wikimedia Commons: Hod Hasharon | |||
Hod HaSharon (hebraisk skrift הוֹד הַשָּׁרוֹן, tyder «Prakta på Sharon») er ein by i Det sentrale distriktet i Israel.
Byen fekk offisielt bystatus i 1990 og oppstod i 1964 då fire nabolandsbyar vart slått saman: Magdiel, Ramatayim, Hadar og Ramat Hadar.[1] Byen dekkjer offisielt eit landareal på 19,2 kvadratkilometer,[2] og i følgje Israelsk statistisk sentralbyrå (CBS) hadde byen i desember 2012 eit folketal på 51 035.[3]
Historie
[endre | endre wikiteksten]
Hod HaSharon vart skipa i 1964 då busetjingane Magdiel, Ramatayim, Hadar og Ramat Hadar vart slått saman. Hod Hasharon vart styrt som ein lokal kommune fram til han fekk bystatus i 1990.[4]
Magdiel
[endre | endre wikiteksten]Magdiel vart grunnlagd den 2. august 1924 av ei gruppe 12 askenasiske jødar.[4]
Ramatayim
[endre | endre wikiteksten]
Ramatayim vart grunnlagd i 1925 av emigrantar frå Polen.[1] Ramatayim vart bygd på to åsar med ein dal mellom, derfor namnet Ramatayim, som tyder 'to åsar'.[4] Ramatayim er i dag sentrum i Hod HaSharon.
Hadar
[endre | endre wikiteksten]Hadar vart grunnlagd i 1927 av mellomklasseemigrantar frå Aust-Europa, som kort tid etter fekk selskap av ei gruppe italienske jødar.[1] Landområdet vart kjøpt frå Abou Kishk beduinstamme. Pionerane ønskte å byggje ein landleg busetnad basert på sitrusavlingar (namnet «Hadar» er det hebraiske ordet for «sitrus»). Dei første åra dreiv bøndene i Hadar òg med fjørkredrift. Tidleg i 1940-åra, flytta jemenittiske emigrantar til Hadar og oppretta nabolaget Shikun Hateymanim, som i dag er ein del av bydelen Gannei Tzvi.[4] I 1951 vart Ramatayim og Hadar slått saman til Hadar Ramatayim.[1]
Ramat Hadar
[endre | endre wikiteksten]Ramat Hadar vart grunnlagd i desember 1938 av emigrantar frå Nazi-Tyskland, medlemmar frå den femte Aliyah.[1] Ramat Hadar vart bygd på ein ås mellom Kfar Hadar, Ramatayim og hovudvegen frå Petah Tikva til Ramatayim. Næringa i Ramat Hadar var basert på mindre gardar, hovudsakleg fjørkredrift.[4] og sitruslundar. Ramat Hadar hadde sitt eige postkontor mellom 1959 og 1989.
Geografi
[endre | endre wikiteksten]Hod HaSharon ligg på Sharonsletta, som er ein del av Den israelske kystsletta. Byen ligg kring 10 km aust for middelhavskysten, sør for Kfar Saba, søraust for Raanana, og nordaust for Ramat HaSharon. Byen ligg kring 8 km vest for Vestbreidda og 8 km nordaust for Tel Aviv.
Demografi
[endre | endre wikiteksten]I følgje CBS var den etniske samansetnaden i byen i 2006 99,9 % jødiske og andre ikkje-arabarar, utan større arabisk folkesetnad.
Utdanning
[endre | endre wikiteksten]I følgje CBS er det 18 skular og 8 083 elevar i byenn.
Mosenson ungdomslandsby tar i mot både israelarar og utanlandske elevar.[5]
Venskapsbyar
[endre | endre wikiteksten]Hod HaSharon er venskapsby med:
Bakgrunnsstoff
[endre | endre wikiteksten]- Offisiell kommune (he)
Kjelder
[endre | endre wikiteksten]- Denne artikkelen bygger på «Hod HaSharon» frå Wikipedia på engelsk, den 21. juni 2015.
- Wikipedia på engelsk oppgav desse kjeldene:
- ↑ 1,0 1,1 1,2 1,3 1,4 Encyclopedia Judaica, Keter Publishing House, Jerusalem, 1972, Vol. 8, s. 802, «Hod Ha-Sharon"
- ↑ «Local Authorities in Israel 2011, Publication #1315 - Municipality Profiles - Hod HaSharon» (PDF). Israelsk statistisk sentralbyrå. 2011. (he)
- ↑ «CBS Population by City (2012)». Israelsk statistisk sentralbyrå.
- ↑ 4,0 4,1 4,2 4,3 4,4 «Identiy Card». Arkivert frå originalen 7. februar 2009. Henta 7. april 2008.
- ↑ Mosenson ungdomslandsby[daud lenkje]
| Byar | El'ad · Giv'at Shmuel · Hod HaSharon · Kafr Qasim · Kefar Sava · Kfar Yona · Lod · Modi'in-Maccabim-Re'ut · Ness Ziona · Netanya · Petah Tikva · Qalansawe · Ra'anana · Ramla · Rehovot · Rishon LeZion · Rosh HaAyin · Tayibe · Tira · Yavne · Yehud-Monosson |  |
|---|---|---|
| Lokale kommunar | Be'er Ya'akov · Beit Dagan · Bnei Ayish · Elyakhin · Even Yehuda · Gan Yavne · Ganei Tikva · Gedera · Jaljulia · Kafr Bara · Kiryat Ekron · Kokhav Ya'ir · Mazkeret Batya · Pardesiya · Savyon · Shoham · Tel Mond · Tzoran-Kadima · Zemer | |
| Regionale kommunar | Brenner · Gan Raveh · Gederot · Gezer · Drom HaSharon · Heferdalen · Hevel Modi'in · Hevel Yavne · Hof HaSharon · Lev HaSharon · Loddalen · Nahal Sorek | |
| Sjå òg | ||