Burnaja

Burnaja
elv
Land	Russland
Lengd	10 km
Munning	Ladoga
Burnaja 60.6245°N 30.5056°E / 60.6245; 30.5056
Wikimedia Commons: Burnaya River

Burnaja (russisk Бу́рная, finsk Taipaleenjoki) er ei elv i Leningrad oblast Russland på Det karelske neset. Elva renn frå innsjøen Sukhodolskoje til innsjøen Ladoga og er ein del av nedslagsfeltet til Vuoksen. Før vinterkrigen og den finske framhaldskrigen låg elva i Finland og vart kalla Taipaleenjoki.

Opphavleg rann vatnet frå Suvantosjøen (Sukhodolskoje) roleg inn i Vuoksen via vassvegen ved Kiviniemi. I 1818 vart kanalen grave ut for å drenere vatn under vårflaumen frå Suvanto inn i Viisijoki til Ladoga, og kanalen vart uventa omdanna til Taipaleenjoki. Dette førte til at Suvantosjøen miste mykje vatn og vassnivået fall sju meter. Vassvegen i Kiviniemi turka inn. I 1857 vart det grave ein kanal der, men elva rann då andre vegen med mange stryk som gjorde transport til Kiviniemi umogeleg. Etter 1857 har Sukhodolskoje og Burnaja utgjort den sørlege greina av Vuoksen, noko som har ført til mindre vassføring i den nordlege greina gjennom Priozersk.

Kjelder

• Denne artikkelen bygger på «Burnaya River» frå Wikipedia på engelsk, den 29. oktober 2008.