Bondi Beach
| Bondi Beach | |||
| forstad | |||
 | |||
| Land |  Australia
| ||
|---|---|---|---|
| Folketal | 11 656 (9. august 2016)[1] | ||
 Bondi Beach 33°53′27″S 151°16′27″E / 33.890833333333°S 151.2741667°E | |||
| Wikimedia Commons: Bondi Beach | |||
Bondi Beach (IPA: [bondaj bi:tʃ]) er ei strand i forstaden Bondi ved Sydney i den australske delstaten New South Wales. Ho er om lag éin kilometer lang og ligg sju kilometer frå Sydney sentrum. Stranda er populær både blant turistar og fastbuande.
Historie
[endre | endre wikiteksten]Edward Smith Hall og svigersonen Francis O'Brien kjøpte store delar av området i 1851 og kalla det «Bondi Estate». Deretter kjøpte O'Brien gradvis opp eigedommen til svigerfaren og opna han for allmugen som «O'Brien Estate» med piknikkplass og tivoli. Folk flokka til stranda i så store mengder at O'Brien truga med å stenga henne. Etter lokalt påtrykk handla styresmaktene og gjorde Bondi til offentleg område i 1882.
Bruk
[endre | endre wikiteksten]Folk kjem til stranda for å sola seg, surfa og bada, men også for å oppleva tilstellingar, som venleikskonkurransen «Miss Bondi», og høgtider som første juledag, då over 40 000 folk samlar seg der for å feira jul.
Under Sommar-OL 2000 blei strandvolleyballkonkurransane haldne på stranda, og det blei sett opp fleire banar og stadion. Seinare har bydelsrådet gått imot speling av volleyball på Bondi-stranda.
Kjelder
[endre | endre wikiteksten]- ↑ 1,0 1,1 1,2 1,3 http://www.censusdata.abs.gov.au/census_services/getproduct/census/2016/quickstat/SSC10465.
- ↑ 2,0 2,1 2,2 «Bondi Beach»; vitjingsdato: 28. juni 2022.
