Azraq
| Azraq | |||
| الأزرق | |||
| by | |||
 Ruinane av Azraqborga og ei gate i Azraq
| |||
| Land |  Jordan
| ||
|---|---|---|---|
| guvernement | Zarqa guvernement | ||
| Del av | Eastern Desert | ||
| Høgd | 525 moh. | ||
| Koordinatar | 31°50′N 36°49′E / 31.833°N 36.817°E | ||
| Folketal | 14 800 (2004) | ||
| Borgarmeister | Kamal Ata | ||
| Tidssone | UTC+2 (UTC+2) | ||
| Retningsnummer | +(962)5 | ||
 Azraq 31°50′00″N 36°49′00″E / 31.833333333333°N 36.816666666667°E | |||
  Kart som viser Azraq.
| |||
| Wikimedia Commons: Azraq | |||
Azraq (arabisk الأزرق, tyder «den blå») er ein liten by i Zarqa guvernement sentralt i det austlege Jordan, 100 km aust for Amman. Folketalet i Azraq var 9021 innbyggjarar i 2004.[1] Shaheed Mwaffaq flybase ligg i Azraq.
Historie
[endre | endre wikiteksten]
Azraq har lenge vore ein viktig busetnad i eit øyde og no tørt ørkenområde i Jordan. Den strategiske verdien av byen og borga (Qasr Azraq) er at han ligg midt i Azraq-oasen, den einaste permanente ferskvasskjelda i kring 12 000 kvadratkilometer med ørken.
Byen ligg langs ei stor ørkenrute, som vart nytta til handel i regionen. Azraq-oasen har ei lang historie som byrja i nedre eldre steinalder. Mange eldre steinalderstader er dokumentert i Azraq våtmarksreservat. Under epipaleolittisk tid var det òg busetnad i oasen. I nabateisk tid var det òg folk som budde her. Qasr Azraq vart bygd av romarane på 200-talet evt., og vart kraftig ombygd i mellomalderen av mamelukkane. I omajade-tida vart det bygd eit vassreservoar sør i Azraq. Under arabaropprøret tidleg på 1900-talet var Qasr Azraq ein viktig base for T.E. Lawrence.
I området nær Azraq-oasen er det funne hundrevis av geoglyfar, store hjulforma strukturar av stein som er datert minst 2 000 år attende. Desse strukturane er ofte funnen på lavasletter og varierer frå 25 til 70 meter på tvers. Arkeologar trur at hjula i Azraq-oasen er nytta som gravplassar, men det er no drege i tvil.[2]
Sjå òg
[endre | endre wikiteksten]Kjelder
[endre | endre wikiteksten]- Denne artikkelen bygger på «Azraq, Jordan» frå Wikipedia på engelsk, den 3. oktober 2015.
- Wikipedia på engelsk oppgav desse kjeldene:
- ↑ Department of Statistics-Jordan 2004 Census (PDF), arkivert frå originalen (PDF) 22. juli 2011, henta 3. oktober 2015
- ↑ Visible Only From Above, Mystifying 'Nazca Lines' Discovered in Mideast