Argo Navis

Argo, Skipet Argo eller Argo Navis er eit namn på eit tidlegare stort stjernebilete på sørhimmelen, som i dag er delt i tre bilete: Kjølen (Carina), Akterstamnen (Puppis) og Seglet (Velum).

Stjernebiletet representerte «Argo», skipet som vart nytta av Jason og argonautane i gresk mytologi.

På grunn av presesjon har stjernene i Argo flytta seg lenger sør sidan antikken, og færre av dei er synlege i dag frå breiddegradene kring Middelhavet.^[1]

Argo Navis er det einaste av dei 48 stjernebileta som vart oppførte av Klaudios Ptolemaios på 100-talet som ikkje lenger vert offisielt rekna som eit stjernebilete. Det kjem av storleiken og om det framleis hadde vore eit enkelt stjernebilete, ville det ha vore det største av dei alle. I 1752 delte den franske astronomen Nicolas Louis de Lacaille det opp i dei tre stjernebileta det består av i dag.

Kjelder

Argo: stjernebilde. (14. februar 2009). I Store norske leksikon. Henta 21. mars 2015 frå https://snl.no/Argo%2Fstjernebilde.

Delar av denne artikkelen bygger på «Argo Navis» frå Wikipedia på engelsk, den 19. mai 2015.
- Wikipedia på engelsk oppgav desse kjeldene:

↑ «Pam Eastlick. University of Guam.». ^{[daud lenkje]}

Bakgrunnsstoff

Wikimedia Commons har multimedia som gjeld: Argo Navis

[1] «Pam Eastlick. University of Guam.». ^{[daud lenkje]}

[1]