Are You Experienced
Are You Experienced Studioalbum av The Jimi Hendrix Experience | ||
![]() Plateomslaget til den amerikanske utgåva | ||
Språk | engelsk | |
Utgjeve | 12. mai 1967 (Storbritannia) 23. august 1967 (USA) | |
Innspelt | 26. oktober 1966 – 3. april 1967 i London, i De Lane Lea, CBS & Olympic Studios. | |
Sjanger | Psykedelisk rock, bluesrock, hardrock | |
Lengd | 40:12 | |
Selskap | Track (mono), Barclay (mono), Polydor (Europe - falsk stereo), Reprise, MCA | |
Produsent | Chas Chandler | |
Kritikk | ||
---|---|---|
The Jimi Hendrix Experience-kronologi | ||
Are You Experienced | Axis: Bold as Love (1967)
|
Are You Experienced er debutalbumet til det engelsk/amerikanske-rockebandet The Jimi Hendrix Experience. Det kom ut i 1967 og var den første utgjevinga til Track Records. Albumet kasta lys over den R&B-baserte, psykedeliske, forvrengde og feedback-tunge elektrisk gitarstilen til Jimi Hendrix, og lanserte han som ei ny, stor internasjonal stjerne.
Are You Experienced fekk god kritikk og selde godt då det kom ut, og har halde fram denne trenden gjennom åra. Det nådde andreplassen på lista i Storbritannia, berre bak The Beatles sitt Sgt. Pepper's Lonely Hearts Club Band. Den amerikanske versjonen av albumet inneheld nokre av dei mest kjende songane til Hendrix, «Purple Haze», «Hey Joe» og «Fire». Albumet har vorte hylla som eit av dei beste gjennom tidene. I 2003 rangert Rolling Stone albumet på 15. plass på lista deira over dei 500 største albuma gjennom tidene. Albumet var det mestseljande i USA i 1968.
I 2005 vart Are You Experienced vald ut for permanent bevaring i National Recording Registry av Library of Congress i USA.
Produksjon
[endre | endre wikiteksten]Hendrix hadde danna the Jimi Hendrix Experience i England i 1966, med Mitch Mitchell på trommer og Noel Redding på bass, og hadde signert ein kontrakt med Track Records, nyleg danna av The Who-managerane Kit Lambert og Chris Stamp. Bandet spelte inn tre singlar produserte av Chas Chandler: «Hey Joe»/«Stone Free» (desember 1966 - gjeven ut via Polydor Records fordi Track ikkje enno var i drift), «Purple Haze»/«51st Anniversary» (mars 1967, den første utgjevinga til det nye Track Records) og «The Wind Cries Mary»/«Highway Chile» (mai 1967). Alle tre nådde Topp 10 i Storbritannia. Under innspelinga av desse singlane, spelte Jimi Hendrix Experience òg inn songane som vart debutalbumet deira, med Chandler som produsent og Eddie Kramer som lydteknikar.
Utgjeving
[endre | endre wikiteksten]Albumet kom ut i Storbritannia i mai 1967 utan dei tre singlane, slik det var vanleg i Storbritannia på denne tida, og albumet nådde andreplassen her.
Det vart først etter at bandet hadde stole merksemda på Monterey Pop Festival i juni 1967 at det amerikanske og kanadiske selskapet Reprise Records gjorde albumet klart for utgjeving i Nord-Amerika. Dei endra plateomslag og gav ut albumet med dei tre hitsinglane, medan «Red House», «Can You See Me» og «Remember» vart fjerna. Songane vart òg miksa på nytt i stereo. Albumet nådde femteplassen i USA i oktober 1968, og på grunn av dei høge salstala her, vart det neste albumet, Axis: Bold as Love, utsett til desember.
Mottaking
[endre | endre wikiteksten]Are You Experienced har vorte skildra som eit av dei beste debutalbuma i heile rockehistoria. VH1 kåra albumet til det femte beste gjennom tidene i 2001. I 2003 vart den amerikanske utgåva av albumet rangert på 15. plass på lista til Rolling Stone over dei 500 største albuma gjennom tidene, medan same magasin sette albumet på 5. plass på lista deira over dei beste albuma dei siste 20 åra i 1987.Guitarist kåra albumet til det viktigaste gitaralbumet gjennom tidene i 1994.[1] og Mojo gjorde det same i 2003.[2] Creem kåra albumet til det sjette beste metal-albumet frå 1960-åra.[3] Vibe (12/99, s. 156) hadde albumet med på lista over 100 essensielle album frå 1900-talet. NME (10/2/93, s. 29) rangerte det i 1993 på 29. plass på lista over dei største albuma gjennom tidene.[4] I mars 2000 i kåra lesarane til Guitar World Are You Experienced til det største albumet på 1900-talet.[5]
Innhald
[endre | endre wikiteksten]Britisk og internasjonal utgåve
[endre | endre wikiteksten]Alle songar er skrivne av Jimi Hendrix, bortsett frå «Hey Joe» av Billy Roberts..
Nr. | Tittel | Lengd |
---|---|---|
1. | «Foxy Lady» | 3:22 |
2. | «Manic Depression» | 3:46 |
3. | «Red House» | 3:53 |
4. | «Can You See Me» | 2:35 |
5. | «Love or Confusion» | 3:17 |
6. | «I Don't Live Today» | 3:58 |
Nr. | Tittel | Lengd |
---|---|---|
7. | «May This Be Love» | 3:14 |
8. | «Fire» | 2:47 |
9. | «Third Stone from the Sun» | 6:50 |
10. | «Remember lengd10 = 2:53» | |
11. | «Are You Experienced?» | 4:17 |
Nr. | Tittel | Lengd |
---|---|---|
12. | «Hey Joe» | 3:30 |
13. | «Stone Free» | 3:36 |
14. | «Purple Haze» | 2:51 |
15. | «51st Anniversary» | 3:15 |
16. | «The Wind Cries Mary» | 3:20 |
17. | «Highway Chile» | 3:32 |
Nordamerikansk utgåve
[endre | endre wikiteksten]Nr. | Tittel | Lengd |
---|---|---|
1. | «Purple Haze» | 2:46 |
2. | «Manic Depression» | 3:46 |
3. | «Hey Joe» | 3:23 |
4. | «Love or Confusion» | 3:15 |
5. | «May This Be Love» | 3:14 |
6. | «I Don't Live Today» | 3:55 |
Nr. | Tittel | Lengd |
---|---|---|
7. | «The Wind Cries Mary» | 3:21 |
8. | «Fire» | 2:34 |
9. | «3rd Stone from the Sun» | 6:40 |
10. | «Foxy Lady» | 3:15 |
11. | «Are You Experienced?» | 3:55 |
Nr. | Tittel | Lengd |
---|---|---|
12. | «Stone Free» | 3:35 |
13. | «51st Anniversary» | 3:15 |
14. | «Highway Chile» | 3:32 |
15. | «Can You See Me» | 2:32 |
16. | «Remember» | 2:48 |
17. | «Red House» | 3:51 |
Medverkande
[endre | endre wikiteksten]- Jimi Hendrix – solovokal, gitar, korvokal, klapping, piano på spor 11
- Noel Redding – bass, korvokal
- Mitch Mitchell – trommer, tamburin, korvokal på spor 6, kubjølle
Kjelder
[endre | endre wikiteksten]- Denne artikkelen bygger på «Are You Experienced» frå Wikipedia på engelsk, den 15. mars 2011.
- Wikipedia på engelsk oppgav desse kjeldene:
- ↑ The Top 50 Most Influential Guitar Albums Of All Time Ever!. Rocklist.
- ↑ Barnes, Anthony (July 21, 2003). «Hendrix heads list of 100 gitar greats with 'Are You Experienced'». The Independent. Henta 16. mars 2011.
- ↑ «Rocklist.net...Guitar Lists». Rocklistmusic.co.uk. Henta 16. mars 2011.
- ↑ «Jimi Hendrix Are You Experienced? CD». Cduniverse.com. April 22, 1997. Henta 16. mars 2011.
- ↑ http://www.rocklistmusic.co.uk/50.html#solo
Bakgrunnsstoff
[endre | endre wikiteksten]- NPR om utvelginga av album til National Recording Registry i 2005
31: Kind of Blue Miles Davis |
Plassering på lista til Rolling Stone frå 2020 over dei 500 beste albuma gjennom tidene 30 Are You Experienced Jimi Hendrix |
29: White Album The Beatles |
16: Blood on the Tracks Bob Dylan |
Plassering på lista til Rolling Stone frå 2012 over dei 500 beste albuma gjennom tidene 15 Are You Experienced The Jimi Hendrix Experience |
14: Abbey Road The Beatles |