Toulouse

Toulouse (oksitansk: Tolosa) er ein by sørvest i Frankrike ved breidda av elva Garonne og kanalen Canal du Midi, halvvegs mellom Atlanterhavet og Middelhavet. Byen er den fjerde største i landet, og med nær 1,1 millionar innbyggjarar i 2006 er storbyområdet til Toulouse det femte største i Frankrike og det raskast veksande i Europa. Han er senteret for den europeiske romfart- og luftfartssindustrien, og hovudkvarteret til Airbus ligg mellom anna her.

Toulouse
Flagget til Toulouse Byvåpenet til Toulouse
Motto «Per Tolosa totjorn mai» (For Toulouse, alltid meir)
Styresmakter
Land Region Departement	Frankrike Midi-Pyrénées Haute-Garonne
Geografi
Flatevidd	118,3 km²
Flatevidd  - By  - Urbant  - Storbyområde	118,3 km² 808 km² 4 015,2 km²
Innbyggjarar  - By (2004)    - folketettleik  - Byområde  - Storbyområde	431 500   3 648/km² 761 090 (1999) 964 797 (1999)
Koordinatar	43°36′19″N 1°26′34″E
Høgd over havet	141 m
Tidssone - Ved sommartid	CET (UTC+1) CEST (UTC+2)
Diverse anna
Heimeside: www.toulouse.fr
Plassering

Toulouse var hovudstad i den tidlegare provinsen Languedoc (provinsar vart nedlagd under den franske revolusjonen). Han er no hovudsatd i regionen Midi-Pyrénées, den største regionen i Frankrike, og préfecture (hovudstad) i departementet Haute-Garonne. Byen er sete for Académie des Jeux Floraux, som tilsvarar Fransk Akademi for den oksitansksnakkande regionen i Sør-Frankrike. Toulouse er derfor uoffisiell hovudstad for den oksitanske kulturen. Den tradisjonelle oksitanske krossen er nytta som symbol for både byen og regionen Midi-Pyrénées.

Toulouse er kjend som den rosa byen (la ville rose) sidan dei fleste eldre bygningane er bygd med ein lokalt produsert teglstein som er rosa. Toulouse er ein stor universitetsby med meir enn 100 000 studentar. Universitet i byen vart grunnlagd i 1228.

Universitet

• École nationale de l'aviation civile
• Institut polytechnique des sciences avancées
• Université Fédérale Toulouse Midi-Pyrénées

Bakgrunnsstoff

Wikimedia Commons har multimedia som gjeld: Toulouse

• Ein virtuell tur i Toulouse Arkivert 2007-05-03 ved Wayback Machine.
• grandroulouse.org
• Turisme i Toulouse
• Turistattraksjonar
• Toulouse-Blagnac internasjonale flyplass Arkivert 2006-02-09 ved Wayback Machine.
• Vitjing av Toulouse
• Interaktivt kart over Toulouse Arkivert 2007-09-28 ved Wayback Machine.
• Vêr i Toulouse
• wikitoulouse.fr - på fransk