Tom Hulce
Thomas Edward Hulce (* 6. Dezember 1953 in Detroit, Michigan, USA) is en US-amerikaanschen Schauspeler, der vör allem för sien Dorstellen vun Wolfgang Amadeus Mozart in den Film Amadeus bekannt is.
Leven
[ännern | Bornkood ännern]Toeerst hett Hulce ann Broadway arbeidt. Sien eersten Filmrullen harr he in de 1970er Johren. De Dörbrook keem 1984 dör sien rull as Wolfgang Amadeus Mozart in den Film Amadeus vun Miloš Forman. He harr mit dissen Film groden Spood un is ok nomineert wesen för den Oscar. He hett ünner annern ok den Quasimodo snackt in den Walt-Disney-Film The Hunchback of Notre Dame. tohopen hett he an ruchweg 30 Produkschonen deelnahmen.
Siet 1996 is he mit Cecilia Ermini verheiraadt. Se hebbt tosamen een Dochter. Sien düütsche Synchroonstimm is faken Detlev Eckstein.
Filmrullen (Utwahl)
[ännern | Bornkood ännern]| Johr | Titel | Synchroonsnacker |
|---|---|---|
| 1975 | Forget-Me-Not-Lane, Feernsehn | |
| 1976 | Song of Myself, Kortfilm | |
| 1978 | Animal House dt.: Ich glaub’ mich tritt ein Pferd |
Hans-Jürgen Dittberner |
| 1980 | Those Lips, Those Eyes dt.: Deine Lippen, deine Augen |
Lutz Mackensy |
| 1984 | Amadeus | Detlev Eckstein |
| 1986 | The Rise and Rise of Daniel Rocket, Feernsehn | |
| 1986 | Echo Park | |
| 1987 | Slam Dance | Joachim Tennstedt |
| 1988 | Dominick and Eugene | Joachim Tennstedt |
| 1988 | Shadowman | |
| 1989 | Parenthood dt.: Eine Wahnsinnsfamilie |
Joachim Tennstedt |
| 1989 | Black Rainbow dt.: Black Rainbow – Schwarzer Regenbogen |
Joachim Tennstedt |
| 1990 | Murder in Mississippi | |
| 1991 | The Inner Circle dt.: Der Innere Kreis |
Detlev Eckstein |
| 1993 | Fearless dt.: Fearless – Jenseits der Angst |
Ulrich Matthes |
| 1994 | Frankenstein dt.: Mary Shelleys Frankenstein |
Detlev Eckstein |
| 1995 | Wings of Courage | |
| 1996 | The Hunchback of Notre Dame, Stimm dt.: Der Glöckner von Notre Dame |
André Eisermann (Spreken) Hendrik Bruch (Singen) |
| 2006 | Stranger Than Fiction dt.: Schräger als Fiktion |
Wolfgang Condrus |
| 2008 | Jumper |
Utteken
[ännern | Bornkood ännern]Tom Hulce is för sien Filmrullen al twölfmol för Priesen vörslahn worrn, dorünner ok eenmol för den Oscar in de Kategorie Best Hööftdorsteller för sien Rull as Wolfgang Amadeus Mozart. Wunnen hett he bit hüüt veer Priesen:
- 1985: den David di Donatello Filmpries in de Kategorie Best utlännsch Schauspeler för Amadeus.
- 1985: dat Sülvern Band vun’t Sindacato Nazionale Giornalisti Cinematografici Italiani in de Kategorie Beste Dorsteller in en utlännsch Film för Amadeus.
- 1996: den Emmy in de Kategorie Rutragen Nevendorsteller in en Minireeg oder Spezialsennen för The Heidi Chronicles.
- 1996: den Cable ACE in de Kategorie Best Nevendorsteller in en Film oder Minireeg för The Heidi Chronicles.
Weblenken
[ännern | Bornkood ännern]- Tom Hulce in de Internet Movie Database (engelsch)