Roman Nose
Woo-ka-nay (ok: Vóhko'xénéhe, Woqini oder Woquini - “Hook Nose” Höckernöös (Adlernöös), beter bekannt as Roman Nose (* um 1830 in Colorado; † 17. September 1868) weer en Hööftling vun Himoweyuhkis (Crooked Lances oder Elk Horn Scrapers), en Kriegersellschop vun de Cheyenne-Indianer.
Roman Nose hett vehement de Kansas-Pacific-Railroad-Sellschop bekämpt. An‘ 29. Oktober 1865 kämp he bi Platte Bridge (Wyoming) tegen en US-Eskorte ünner Leutnant Caspar Collins. De gesamt Eskorte wurr bit up den letzten Mann dood makt. 1866 protesteer he anlässlich vun en Ratsversammlung, in Anwesenheit vun General Palmer, bi Fort Ellsworth in dat hüdige Kansas tegen de Inwanderung vun de Witten in dat Rebeet vun de Indianer. An‘ 17. September 1868 keem dat tüschen Major George A. Forsyth un sien Trupp up dat later so nömmt Beecher Island in‘ Arickaree-River, Yuma County (Colorado), to’n Kamp mit de Nördlich un Südliche Cheyenne ünner Pawnee Killer, Tall Bull, White Horse un Roman Nose. Roman Nose un Lieutenant Frederik H. Beecher keemen dorbi beid to Dood.
Wegen sien führend Rull in de Afwehrkämpe vun de verbünnten Cheyenne, Arapaho un Lakota Sioux up den Great Plains wurr he vun de Amerikaners as Hööftling ansehn, wat aber nich richtig weer; bi Verdragsverhandlungen weern de Amerikaner dorum verwunnert, dat he doran nich deelnehmen dee. As se fraagt hemm, worum Roman Nose nich dorbi weer, hemm de anwesend Hööftlinge den överraschten Amerikanern seggt, dat Roman Nose nich de Stellung un Autorität binnerhalv de Cheyenne Nation harr, um för de to verhanneln – buterdem weer he ok kien Hööftling.
Literatur
[ännern | Bornkood ännern]- Dee Brown: Begrabt mein Herz an der Biegung des Flusses, Knaur, München 2005, ISBN 3-426-62804-X