Johann Friedrich Naumann
Johann Friedrich Naumann (* 14. Februar 1780 in Ziebigk; † 15. August 1857 ok dor) weer en düütschen Ornithologen. He warrt ankeken as de Mann, de den Grund leggt hett for de Vagelkunne in Middeleuropa.
Johann Friedrich is as eersten vun dree Söhns vun den Buern Johann Andreas Naumann in dat Dorp Ziebigk, bi 10 km süüdööstlich vun Köthen to Welt kamen. Al mit 10 Johren konn he unbannig goot Vagels teken. Mit tein Johren is he vun de Scholen in Ziebigk runner gahn un hett de Scholen in Dessau besocht. Man in datsülvige Johr (oder eerst 1794) möss he de School afbreken un sien Vadder up’n Hoff hölpen. Dor hett he de Gelegenheit bi funnen, sik mit de Vagels dor umto to befaten. 1815 is sien eerst Book Taxidermie rutkamen. Dor hett he de Methode in verklaart, wie he Vagels utstoppen dö. Later hett he de meisten Kopperstiche for de Naturgeschichte der Vögel Deutschlands vun sien Vadder Johann Andreas Naumann maakt. An un for sik weer dat sien egen Wark, man sien Vadder to Ehren hett he dat unner den sien Naam rutgahn laten. Sien Broder Carl Andreas Naumann hett sien Forschungen unnerstütt un dor Vagels for fungen oder schaten.