Glenfiddich
| Glenfiddich | |
|---|---|
 Glenfiddich-Brenneree (2005) | |
| Land | Schottland |
| Region | Speyside |
| Tyyp | Malt |
| Status | aktiv |
| Besitter | William Grant & Sons |
| Grünnt | 1886 |
| Grünner | William Grant |
| Waterborn | Robbie-Dubh-Borns |
| Washstill(s) | 10 × 9.100 l |
| Spiritstill(s) | 18 x 4.550 l |
| Produkschoonsvolumen | 10.000.000 l |
| Websteed | www.glenfiddich.com |
Glenfiddich (achtern mit en hard „ch“ as in „Wacht“ [ɡlɛnˈfɪdɪx], schottisch-gäälsch Gleann Fhiodhaich, „Hirschdaal“) is en Whiskybrenneree bi Dufftown in’n ehmoligen County Banffshire in Schottland.
Historie
[ännern | Bornkood ännern]De Brenneree Glenfiddich liggt in’t Daal mit den glieken Naam in’t Speyside-Rebeet in de schottischen Highlands. Se weer 1886 vun William Grant un sien Famillie grünnt. De Brennblaas stammt ut de ollen Cardhu-Brenneree. De eerste Whisky-Produkschoon füngt to Wiehnachten 1887 an. Siet de Tiet produzeert de Brenneree an’n glieken Oort mit dat sülve Produkschoonsverfohren mit een vun de lüttsten Brennblasen vun de schottischen Brennereen. Bit hüüt is dat Ünnernehmen in’n Besitt vun de Familie Grant.
In’t Johr 1963 künn in de Destille keen Blend-Whisky mehr herstellt warrn, vunwegen dat keen Grain-Whisky mehr levert worrn is. De Familie hett dorophen beslaten, den Ehisky ut rein Gassenmolt aftofüllen un to verköpen. Dormit füng dat moderne Vermarkten vun den Single-Malt-Whisky an, as dat vundaag begäng is.
Glenfiddich tellt to de spoodrieksten Whiskyherstellers. De Marke Glenfiddich is meist op de helen Welt to kriegen un an de tyypschen dreeeckigen Form vun de Buddels to kennen. In’n Smack is de Whisky teemlich mild un wennt sik dormit an en brede Mengde vun Kunnen.
Produkschoon
[ännern | Bornkood ännern]
Dat Water vun de Brenneree stammt ut de Robbie-Dubh-Borns. De Destille bargt twee Meeschfatten („mash tuns“) ut Eddelstahl un veeruntwintig Gäärfatten („wash backs“; tosamen 1.440.000 l) ut Douglasienholt. Destilleert warrt in teihn Washstills (jeedeen 9.100 l) un achteihn Spiritstills (jeedeen 4.550 l) de ruchweg gliek op twee Stillrooms verdeelt sünd. Bit vör en poor Johren weer de een Hälft mit Gas un de annere Hälft mit Kahlen direkt hitt maakt. Intwüschen is de Produkschoon vullstännig op Gas ümstellt worrn.
Glenfiddich is een vun de wenigen schottischen Single-Malt-Destillen, de sien Produkten sülvst in Buddels affüllen deit. Dorbi warrt dat glieke Water bruukt as to’n Brennen. Na’n eersten finanziellen Spood harr de Fmailie Grant dat hele Ümland, woneem dat Water dörlopen deit, opköfft, üm to hinnern dat annere Fabriken boet warrt, de dat Water verunreinigen künnen.
De Marke Glenfiddich höört to de bekannsten Single-Malt-Whiskys. To den Spood hett seker ok dat Besökerhuus bidragen, dat al 1969 apenmaakt weer. De Brenneree kann ahn Intritt besöcht un bekeken warrn. Op dat Land vun de Brenneree liggt ok de Balvenie-Brenneree, de to dat Ünnernehmen höört. De fardige Whisky warrt to’n Riepen in 45 verschedene Lagerhüüs in’t Ümland vun de Brenneree lagert. Butendem gifft dat en egene Böttcheree un Koppersmeed, de de Fatten to’n Lagern ut bruukte Fattstaven sülvst herstellen doot.
Kiek ok
[ännern | Bornkood ännern]Literatur
[ännern | Bornkood ännern]- Michael Jackson: Whisky - Die Marken und Destillerien der Welt. Dorling-Kindersley, München 2005, ISBN 978-3-8310-0764-6.
Weblenken
[ännern | Bornkood ännern]
Koordinaten:57° 27′ N, 3° 7′ W