Gary Sinise
Gary Alan Sinise (* 17. März 1955 in Blue Island, Illinois) is en US-amerikaanschen Schauspeler, Speelbaas un Musiker.
Leven un Wark
[ännern | Bornkood ännern]Gary Sinise is de Söhn vun Mylles S. (* 1932, borene Alsip) un Robert S. Sinise (* 1931). Sien Vadder weer Filmeditor[1][2] un hett so to’n Bispeel ok an Gary Sinise sien Of Mice and Men mitarbeit. Sien Grootvadder weer Italiener [3]. In sien Jöögd güng he op de Highland Park High School.
Vör sien Loopbahn bi’t Kino arbeit Sinise vör allen an’t Theater. Tosamen mit Terry Kinney un Jeff Perry hett he 1974 Steppenwolf Theatre Company in Chicago grünnt. Dor hett he ok tallrieke Rullen speelt, un ok as Produzent un Speelbaas arbeit. Na sien Arbeiten as Speelbaas an de Filmen Miles from Home un Of Mice and Men hett he sik in Hollywood ok as Schauspeler en Naam maakt, as in Apollo 13, The Green Mile oder Forrest Gump. In’t Feernsehn weer he in de Reeg CSI:NY to sehn.
Siet 2003 speelt Sinise bito de Bass-Gitarr in de Grupp Lieutenant Dan Band, de he grünnt hett. De Naam is afleddt vun Sinise sien Rull in Forrest Gump. De Grupp is in’n karitativen Sinn (tomeist to’n Ünnerstütten vun versehrte US-amerikaansche Veteranen) ünnerwegens, dorünner ok för de United Service Organizations oder de vun Sinise grünnte Akschoon Operation Iraqi Children, de Scholen in’n Irak mit Schoolsaken versorgt.
In’t Johr 1976 hett Sinise de Schauspelersche Moira Harris drapen, de he 1981 heiraat hett. Se hebbt tosamen dree Kinner.
Filmografie (Utwahl)
[ännern | Bornkood ännern]Utteken
[ännern | Bornkood ännern]Sinise weer för sien Filmwark bit hüüt (Stand: September 2014) dörtig mol för Filmpriesen vörslahn, dorünner ok eenmol för den Oscar in de Kategorie Best Nevendorsteller för Forrest Gump. Wunnen hett He bit hüüt 17 Priesen, as to’n Bispeel:
- 1994: mit den NBR Award in de Kategorie Best Nevendorsteller för Forrest Gump
- 1995: mit den Saturn-Pries in de Kategorie Beste Nevendorsteller för Forrest Gump
- 1995: mit den Chlotrudis Award in de Kategorie Best Nevendorsteller för Forrest Gump
- 1996: mit den Screen Actors Guild Award in de Kategorie Rutragen Leistung vun en Ensemble för Apollo 13
- 1996: mit den Golden Globe in de Kategorie Golden Globe Award/Best Hööftdorsteller – Mini-Serie oder TV-Film för Truman
- 1998: mit den Emmy in de Kategorie Rutragen Hööftdorsteller in en Minireeg oder Feernsehfilm för George Wallace
- 1998: mit den Golden Satellite Award in de Kategorie Best Dorsteller in en Feernsehminireeg oder Feernsehfilm för George Wallace
- 1998: mit den Screen Actors Guild Award in de Kategorie Best Dorsteller in en Feernsehminireeg oder Feernsehfilm för George Wallace
Born
[ännern | Bornkood ännern]- ↑ „The guts and the glory“, Guardian vun’n 15. Juli 2000; afropen an’n 7. November 2010
- ↑ „Gary Sinise Biography (1955–)“ op Filmreference.com; afropen an’n 17. Dezember 2009
- ↑ „SouthCoastToday.com – Living – This ‚CSI‘ has a New York state of mind – February 7, 2007“ Bridget Byrne op Archive.southcoasttoday.com vun’n 7. Februar 2007; Afropen an’n 7. November 2010
Weblenken
[ännern | Bornkood ännern]
- Gary Sinise in de Internet Movie Database (engelsch)
- Gary Sinise in de Internet Broadway Database
- Gary Sinise bi steppenwolf.org
- Offizielle Websteed vun de Lieutenant Dan Band