Enupla

Ua enupla (tamien coincida cumo m-tuplo, ó m-upla) ye ua sequéncia ourdenada de m eilemientos, que puode ser defenida pula recurson de l par ourdenado.

Las percipales propiadades que çtinguen ua enupla dun cunjunto son:

Ua enupla puode cunter un oubjeto mais dua beç.
Ls oubjetos son repersentados oubrigatoriamente na orde dada.

Debe notar-se que la purmeira de las caratelísticas çtinguen ua enupla dun cunjunto ourdenado i la segunda, dun multiconjunto.

Causos particulares

Quando m = 2, podemos chamar la sequéncia de dupla; para m = 3, de terna …

Eisemplo

Cunsidre la eiquaçon $2x_{1}+x_{2}=0$ . La m-upla $(1,-2)$ (que neste causo podemos chamar simplesmente de dupla) ye soluçon de l'eiquaçon. Note que la dupla $(-2,1)$ nun ye soluçon de l'eiquaçon, antoce l'orde de ls eilemientos, de fato, ye amportante.

Uso an anformática

Un tuplo ye un local d'armazenamiento pequeinho i temporairo drento de l processador central. Cada linha dun banco de dados, formada por un cunjunto de colunas, repersenta un registro (ó tupla). Ls registros nun percisan necessariamente cunter dados an todas las colunas, ls sous balores puoden ser nulos.

Ber tamien