Triawan Munaf
Triawan Munaf | |
|---|---|
 | |
| Lahia | 28 Nopember 1958 |
| Kabangsaan | Indonesia |
| Karojo | Musisi pangusaho politisi |
| Kantua | Kapalo Badan Ekonomi Kreatif |
| Panaruih | Wishnutama |
| Partai politik | PDI Perjuangan |
| Pasangan | Luki Ariani |
| Anak | Virania Munaf Sherina Munaf Mayzura Munaf |
| Urang tuo | Bahar Munaf Etty Munaf |
| Dusanak | Baskara Mahendra (minantu) |
Triawan Munaf (lahia di Bandung, 28 November 1958; umua 65 taun) adolah saurang pangusaho, politikus jo musisi Indonesia. Inyo manjabaik sabagai Kapalo Badan Ekonomi Kreatif satalah dilantiak dek Presiden Indonesia, Joko Widodo, pado tanggal 26 Januari 2015. Palantiakan iko sasuai jo Keputusan Presiden (Kepres) Nomor 9 P Tahun 2015.[1] Triawan manjadi pamimpin partamo pado lambago satingkek kamantrian nan baru didirian tasabuik. Badan Ekonomi Kreatif adolah sabuah lambago baru nan dulunyo marupokan bagian dari Kamantarian Pariwisata jo Ekonomi Kreatif.[2]
Riwayaik hiduik
[suntiang | suntiang sumber]Karier
[suntiang | suntiang sumber]Triawan adolah mantan parsonil grup musik Giant Step nan baaliran rok progresif asa kota Banduang, nan dibantuak pado taun 1970-an.[3] Inyo bamain sabagai tukang kibor jo panyanyi utamo di grup musik itu.[4] Satalah indak aktif bamusik, Triawan kamudian mambukak usaho di bidang pariklanan. Inyo mandirian parusahaan Euro RSCG AdWork pado tanggal 26 Desember 1989. Salah saurang kliennyo adolah Partai PDI Perjuangan. Logo PDI Perjuangan nan babantuak kapalo banteng bamuncuang putiah adolah salah satu hasil karyanyo.[1][5]
Pado taun-taun barikuiknyo, Triawan sato pulo dalam dunia politik malalui Partai PDI Perjuangan, sarato sabagai tim sukses calon prasiden Jokowi - JK.[6] Sabalumnyo, namonyo sampek dibaritakan sabagai calon Mantari Ekonomi Kreatif pado kabinet Jokowi - JK.[7]
Di dunia bisnis, Triawan sampek manjadi Komisaris Garuda Indonesia, Komisaris Independen PT Aviasi Pariwisata Indonesia Tbk., jo diangkek sabagai Komisaris Sirclo pado bulan Oktober 2021.[8]
Kahidupan pribadi
[suntiang | suntiang sumber]Triawan Munaf adolah anak laki-laki dari pasangan Bahar Munaf jo Etty Munaf nan barasa dari Nagari Sumpur, Tanah Datar nan basuku Minangkabau.[9] Inyo manikah jo Luki Ariani. Kaduonyo adolah urang tuo dari Virania Munaf, Sherina Munaf, saurang panyanyi jo aktris Indonesia, sarato Mayzura Munaf.[10] Triawan basapupu pulo jo musisi Fariz Rustam Munaf.[9]
Pangharagoan
[suntiang | suntiang sumber]Pado taun 2020, Triawan diagiah pangharagoan Bintang Mahaputera Utama, nan disarahan dek Presiden Joko Widodo. Pangharagoan iko disarahan ka inyo dek kontribusi jo jaso-jasonyo dalam bidang ekonomi kreatif di Indonesia.[11]
Filmografi
[suntiang | suntiang sumber]Film
[suntiang | suntiang sumber]| Taun | Judul | Peran | Katarangan |
|---|---|---|---|
| 2017 | Galih & Ratna |
Rujuakan
[suntiang | suntiang sumber]- ↑ a b "Triawan Munaf Resmi Pimpin Badan Ekonomi Kreatif". setneg.go.id. 26 Januari 2015. Diakses tanggal 5 Januari 2024.
- ↑ "Setingkat Menteri, Presiden Jokowi Lantik Triawan Munaf Sebagai Kepala Badan Ekonomi Kreatif". setkab.go.id. 26 Januari 2015. Diakses tanggal 5 Januari 2024.
- ↑ "Sherina - Triawan Munaf, Like Father Like Daughter". kapanlagi.com. 18 Maret 2010. Diakses tanggal 5 Januari 2024.
- ↑ "Sherina Ajak Duet Sang Ayah". kapanlagi.com. 9 Mei 2010. Diakses tanggal 5 Januari 2024.
- ↑ "Sherina Munaf Berharap Bisa Mencoblos di Jepang". kompas.com. 9 Juli 2014. Diakses tanggal 5 Januari 2024.
- ↑ "Ini Tim Sukses Pemenangan Jokowi-JK di Pilpres". kompas.com. 23 Mei 2014. Diakses tanggal 5 Januari 2024.
- ↑ "Kabinet Jokowi-JK: Inikah Para Calon Menteri?" Archived 1 November 2014 di Wayback Machine. Bisnis.com. 20 Oktober 2014. Diakses tanggal 5 Januari 2024.
- ↑ "Triawan Munaf dan Maurits Lalisang Jadi Komisaris Sirclo". Detik.com. 10 Oktober 2021. Diakses tanggal 5 Januari 2024.
- ↑ a b "Sherina Pulang Kampung ke Minangkabau Bongkar Silsilah Keluarga, Kakek Buyutnya Orang Berpengaruh". Tribunnews.com (dalam bahasa Indonesia). 8 November 2018. Diakses tanggal 5 Januari 2024.
- ↑ "Triawan Munaf: Tweet Sherina Tak Dibayar Jokowi" Tempo.co, 4 Juli 2014. Diakses tanggal 5 Januari 2024.
- ↑ Raih Bintang Mahaputera Utama, Triawan Harap Bisa Terus Berkontribusi Untuk Bangsa. RM.id. 11 November 2020. Diakses tanggal 3 Januari 2024