Saint Lucia
Saint Lucia adolah sabuah nagara kapulauan nan barado di Hindia Barat, Karibia timur.[1] Pulau ko sabalumnyo disabuik Iouanalao atau Hewanorra, namo nan diagiah dek panduduak asli Arawak jo Karib, duo suku Amerindian.[2] Nagara ko tadiri dari formasi batuan vulkanik khas Pulau Windward nan alah lamo ado sasudah sabagian gadang wilayah ko tabantuak.[3]
Takah kabanyakan nagara Karibia, Saint Lucia adolah nagara kasatuan jo sistem parlementer. Nagara ko tamasuak Alam Persemakmuran nan rajo jo kapalo nagaranyo iolah Charles III.[1] Pardana Mantari adolah kapalo pamarentahan nan mamimpin kabinet sarato biasonyo pimpinan partai tagadang di Dewan Majelis.[4] DPR tadiri dari 17 kursi nan dipiliah malalui suaro tabanyak di daerah pamiliahan. Sadangkan Senat tadiri dari 11 anggynan ditunjuak dek Pardana Mantari.[5]
Pado sensus 2010, panduduak Saint Lucia bajumlah 165.595 jiwa.[6] Jumlah ko maningkek dari tahun 2001 nan bajumlah 157.490.[7] Umua 0–14 tahun marupokan 24,1% dari panduduak, samantaro nan di ateh 65 tahun bajumlah 8,6%, jo salabiahnyo diantaro itu. 40% panduduaknyo tingga di ibu kota nagara, Castries. Pado awalnyo, daerah ko dihuni dek urang Amerindian, namun jumlahnyo bakurang sajak dijajah Eropa. Kini 85,3% panduduaknyo bakulik hitam jo 10,9% multi ras. Salabiahnyo Indo-Karibia, kulik putiah, jo Panduduak Pribumi. Ado pulo saketek urang Lebanon jo Suriah.[8]
Rujuakan
[suntiang | suntiang sumber]- ↑ a b "The Saint Lucia Constitution" (1978-December-20 effective 1979-February-22), Government of St. Lucia, December 2008.
- ↑ Hyacinth-Gideon, C. (29 July 2014) (dalam bahaso en). Saint Lucia. Author House. ISBN 978-1-4969-8483-8. https://books.google.com/books?id=xPA6BAAAQBAJ.
- ↑ Meditz, Sandra W.; Hanratty, Dennis M., eds (1987). "Islands of the Commonwealth Caribbean: a regional study" (dalam bahaso English). Islands of the Commonwealth Caribbean: a regional study. Washington, D.C.: Federal Research Division, Library of Congress. p. 294-295. OCLC 49361510. https://www.loc.gov/item/88600483/.
- ↑ "Saint Lucia". Britannica.
- ↑ "St. Lucia". Freedom House.
- ↑ "2010 population and housing census" (PDF). Central Statistics Office. April 2011. Diakses tanggal 21 March 2023.
- ↑ "2001 population and housing census" (PDF). Central Statistics Office. Diakses tanggal 21 March 2023.
- ↑ St Lucia - World Directory of Minorities & Indigenous Peoples