Gunuang Snowdon
| Pagunuangan Snowdon | |
|---|---|
 Gunuang Snowdon nan mambantang dari timur ka ka baraik | |
| Katinggian | 1,085 m (3,560 ft) [1] |
| Puncak | 1,039 m (3,409 ft) Puncak gunuang nan nomor 3 ta tinggi di Inggris Raya |
| Puncak induk | Ben Nevis |
| Daftar | Marilyn, Furth, Hewitt, Nuttall, Welsh 3000s, council top, Ribu |
| Lokasi | |
| Latak | Wales |
| Jajaran | Snowdonia |
| Koordinat | 53°4′6.59″N 4°4′34.43″W / 53.0684972°N 4.0762306°WKoordinat: 53°4′6.59″N 4°4′34.43″W / 53.0684972°N 4.0762306°W[2] |
Gunuang Snowdon marupoan gunuang nan barado di antaro rangkaian pagunuangan Snowdon. Pagunuangan snowdon iolah sabuah deretan pagunuang nan barado di negara Wales, Inggris Raya. Gunuang iko marupoan gunuang nan ta tinggi di antaro babarapo gunung nan barado di negara-negara Inggris Raya. Gunuang Snowdon iko mampunyoi tinggi sakitar 1.085 meter di ateh pamukaan aia lauik. Kaindahan bantangan alam nan ado di gunuang ko mambuek gunuang ko manjadi tujuan wisata di negara Wlales[3]
Asa mulo
[suntiang | suntiang sumber]Gunuang Snowdon atau Mount Snowdon iolah puncak nan tatinggi di Wales. Namo Snowdon barasa dari bahasa Inggris lamo nan yaitunyo Snow Hill nan aratinyo Bukik Salju. Dinamoan iko dikaranoan pamandangan gunuang snowdon pado wakatu musim salju dapek dikatoan rancak karano puncak gunuang tasabuik tatutuik dek es bawarna putiah. Sadangkan manuruik legenda daerah satampek, namo negara Wales tu barasa dari bahaso wales, Yr Wyddfa, nan aratinyo sabuah batu karang nan dilantiangan ka ateh dek raksasa dari dasa lauik.[4][5]
Sacaro bantangan alamnyo, gunuang snowdon iko barado di dalam kawasan Taman Nasional Snowdonia nan tapenyo barado di daerah nan banamo Gwynedd. Pagunuangan snowdon ko tadiri dari batu-batuan tabiang nan kareh. Batu-batuan nan kareh nan sarupo batu karang ko tabantuak jutaan taun nan lalu. Periode iko dinamoan periode Ordovisium. Salanjuiknyo, pambantuakan gunuang ko tajadi pado periode nan banamo caradoc, dimano di jaman ko tabantuaknyo jalua-jalua kawah sarupo gunuang nan barapi. Jalua-jalua kawah ko tabantak hinggo ka baraik daya jajaran pagunuangan snowdon iko. Puncak gunung snowdon nan tabantuak tasabuik dapek juo disamoan jo bantuak dari jajaran pagunuangan Alpen nan barado di negara Swiss. Puncak snowdon di kalialingi dek lambah-lambah nan barisi aia dari aia es nan alah mancayia. Pangikihan batu-batuan nan ado di puncak gunuang tasabuik mambuek puncak manjadi agak runciang sarupo piramida.[6][7][8]
Gambaran umum
[suntiang | suntiang sumber]Tumbuahan jo binantang
[suntiang | suntiang sumber]Tumbuahan nan paling tanamo di gunuang snowdon ko iyolah banamo gagea serotina atau disabuik juo jo snowdon lily. Tumbuahan ko marupoan bungo nan hanyo tumbuah di kawasan pagunuangan snowdon. Manuruik sijarahnyo bungo ditamuan dek para panaliti pado abiak ka tujuah baleh. Bungo ko dapek tumbuah di katinggian labiah dari 3000 kaki.[9][10] Salain itu, tadapek juo hutan-hutan pinus, batang pohon cemara, padang rumpuit, sarato jo lumuik. Indak hanyo adonyo tumbuahan atau bungo nan tanamo dari pagunuangan ko, ado juo binatang nan tanamo di daerah ko. Binatang tasabuik adolah kambiang gunuang. Alum ado panilitian nan pasti nan manyatokan baa kok bisa kambiang ko iduik di pagunuangan ko. Namun, pado maso kini ko tadapek sakitar 1000 ikua kambiang gunuang nan iduik di daerah pagunuangan ko. Salain kambiang gunuang, ado pulo binatang lain asli daerah ko yaitunyo buruang gagak raksasa nan bawarna itam. Buruang-buruang ko mancari makan di kawasan pagunuangan ko atau mancari bangkai nan kan dijadian untuak makananyo. Ado pulo binatang-binatang nan lain nan dapek ditamui sarupo kumbang, kupu-kupu, buruang alang, jo binatang lunak nan iduiknyo di aia yaitu sipuik.[11][12]
Katinggian puncak
[suntiang | suntiang sumber]Pado taun 1682, para paniliti mampakiroan tinggi puncak gunuang snowdon 1.130 m. Namun, di taun 1773 manuruik Thomas Pennant mampakiroan tinggi gunuang ko 1.088 m di ateh pamukaan aia lauik. Kamudian, survei nan baru mancatat katinggian puncak gunuang satinggi 1.085 m atau 3.560 kaki dari pamukaan aia lauik. Karano jo katinggian sagitu mambuek gunuang snowdon manjadi gunuang nan tatinggi di Wales, sarato jo puncak nan tatinggi di Kapulauan Inggris Raya.[13][4]
| No | Namo Puncak | Tinggi nyo (M) | Lokasi |
|---|---|---|---|
| 1 | Snowdon (Yr Widdfa) | 1.085 M | Snowdon Range |
| 2 | Carnedd Llewelyn | 1.064 M | Carneddau |
| 3 | Glyder Fawr | 1.001 M | Glyderau |
| 4 | Y Garn | 974 M | Glyderau |
| 5 | Elidir Fawr | 924 M | Glyderau |
| 6 | Tryfan | 917 M | Glyderau |
| 7 | Aran Fawddwy | 905 M | Aran Fawddwy |
| 8 | Y Lliwedd | 898 M | Snowdon Range |
| 9 | Cader Idris | 893 M | Cader Idris |
| 10 | Moel Siabod | 872 M | Moelwynion |
Danau nan barado di sakitar
[suntiang | suntiang sumber]Ada tadapek limo buah danau di pagunuangan snowdon ko:[15]
- Danau Llyn Gwynant
- Danau Llyn Cau
- Danau Lyn Pardan
- Danau Bala Lake
- Danau Aia tajun Watkins Path
Kagiatan nan dapek dilakuan
[suntiang | suntiang sumber]Gunuang snowdon nan barado di dalam taman nasional snowdonia ko marupoan salah ciek tampek nan banyak dikunjuangi dek para wisatawan baiak dari Inggris Raya maupun dari lua Inggris. Rato-rato ado sakitar 582.000 pangunjuang nan datang kasiko tiok taunnyo. Sabagai taman nasional, tampek ko juo marupoan tampek palestarian tumbuah-tumbuahan dan binatang nan kan punah.[10] Salain itu pangunjuang dapek juo manikmati alam dari gunuang snowdon ko dengan babagai caro diantaronyo;
Bapatualang jo panjek tabiang
[suntiang | suntiang sumber]Bapatualang jo panjek tabiang marupoan kagiatan nan banyak dilakuan dek para wisatawan katiko bakunjuang ka gunuang snowdon. Kawasan panjek tabiang di gunuang ko manjadi tampek panjek tabiang nan rancak di Inggris.[16] Salain itu, bagi para pacinto nan hobi nyo mandaki gunuang, gunuang snowdon ko manjadi gunuang tujuan untuak didaki. Puncak-puncak nan ado di snowdon ko mampunyoi pamandangan nan rancak. Katiko hari tarang mako akan nampak danau-danau dan pulau-pulau nan ado di sakitaran Inggris Raya.[16][17]
Bakemah
[suntiang | suntiang sumber]Kagiatan nan dapek dilakuan salanjuiknyo adolah bakemah di Adventure Park Snowdonia nan talatak di Dolgarrog, tampek dulunyo marupoan pabrik paleburan alumunium. Kini ko tampek tasabuik dipelok dan dijadian tampek bakemah jo tampek manginap. Tadapek banyak lai patualangan jo kagiatan nan bisa dilakuan di kawasan Snowdonia ko, sarupo manyusuri bantang aia atau mangayuh biduak di danau Lugwy. Pangunjuang dapek juo basapeda gunuang untuak manjalajah Snowdon nan katantuanyo, basapeda dimulai dari pukua 10 pagi sampai pukua 5 patang ari nan dilakuan hanyo pado bulan Maret hinggo September.[16][18]
Poto Gunuang Snowdon
[suntiang | suntiang sumber]-
Pamandangan nan dapek diliek dari katiko mandaki gunuang -
Puncak gunuang snowdon nan tatuik dek salju
Rujuakan
[suntiang | suntiang sumber]- ↑ Roberts, Liz (21 September 2010). "Survey puts Welsh mountain into 1,000m 'super league'". Grough.
- ↑ Edwardes, Simon. "Snowdon – Yr Wyddfa". The Mountains of England and Wales.
- ↑ "Three Peaks Challenge: Menaklukkan 3 Gunung Tertinggi di Inggris Raya". kumparan (dalam bahasa Indonesia). Diakses tanggal 2019-12-10.
- ↑ a b "Eryri - Snowdonia". www.snowdonia.gov.wales. Diarsipkan dari versi asli tanggal 2019-12-14. Diakses tanggal 2019-12-14.
- ↑ "Snowdon - Yr Wyddfa". www.hill-bagging.co.uk. Diakses tanggal 2019-12-14.
- ↑ "Magmatic Evolution of the Ordovician Snowdon Volcanic Centre, North Wales (UK)". Diakses tanggal 14 Desember 2019.
- ↑ "The Geological Society". Diakses tanggal 14 Desember 2019.
- ↑ "Snowdonia's Geological History". Diarsipkan dari versi asli tanggal 2019-12-14. Diakses tanggal 14 Desember 2019.
- ↑ "Snowdon / Eryri IPA". Plantlife (dalam bahasa Inggris). Diarsipkan dari versi asli tanggal 2019-07-09. Diakses tanggal 2019-12-14.
- ↑ a b "BBC Wales - Nature - Wildlife - The Snowdon Lily". www.bbc.co.uk. Diakses tanggal 2019-12-14.
- ↑ "Biodiversity in Snowdonia". Diarsipkan dari versi asli tanggal 2019-12-05. Diakses tanggal 14 Desember 2019.
- ↑ "BBC - Nature's Calendar". www.bbc.co.uk. Diakses tanggal 2019-12-14.
- ↑ "The Highest Mountains in Snowdonia". Diakses tanggal 14 Desember 2019.
- ↑ "The Highest Mountains in Snowdonia | Walking In Snowdonia". Walk up Snowdon (dalam bahasa Inggris). 2017-12-09. Diakses tanggal 2019-12-14.
- ↑ "TOP 5 | SNOWDONIA LAKES TO SWIM IN". Holiday Cottages North Wales | Self Catering Snowdonia (dalam bahasa Inggris). 2017-05-11. Diakses tanggal 2019-12-14.
- ↑ a b c "Snowdon Information". Llanberis Mountain Rescue. Diarsipkan dari versi asli tanggal 2019-12-28. Diakses tanggal 2019-12-14.
- ↑ "Three Peaks Challenge: Menaklukkan 3 Gunung Tertinggi di Inggris Raya". kumparan (dalam bahasa Indonesia). Diakses tanggal 2019-12-14.
- ↑ "Pesona Snowdonia dan Zipworld Ekstrem Pemacu Adrenalin". rri.co.id (dalam bahasa Indonesia). Diarsipkan dari versi asli tanggal 2019-12-14. Diakses tanggal 2019-12-14.