Rastafarisma
Ny rastafarisma na rastafarianisma na hetsika rastafary dia hetsika mesianika ara-piarahamonina sy ara-panahy izay nandroso avy ao Jamaika tamin' ny taona 1930, izay miseho amin' ny lafiny mozika amin' ny alalan' ny reggae. Fanta-bahoaka maneran-tany io hetsika io tamin' ny taonjato faha-20 tamin' ny alalan' ny fahombiazan' i Bob Marley. Amin' ny lafiny finoana dia voasokajy ho fivavahana abrahamika ny rastafarisma.
Fiavian' ilay anarana
[hanova | hanova ny fango]Avy amin' ny fanakambanana ny teny amharika hoe ራስ / ras sy ተፈሪ / Täfäri, ny anaran' ny hetsika rastafary, ka ny hoe ras dia midika hoe "loha" sady manondro koa ny tompon' andraikitra pôlitika ambony, ary ny hoe Tafari (ተፈሪ) dia anaran' i Haile Selassie I (ny anarany feno amin' ny fiteny geezy dia ተፈሪ መኮንን / Tafari Makonnen), emperoran' i Etiôpia farany, tamin' ny taona 1930-1936 sy 1941-1974.