Corda

Quest articol chì l'è scrivuu in lombard, grafia milanesa.

On rosc de cord.

Ona corda (gorda in d'on quai dialett tesines) a l'è on rosc de fil intrezzaa vun con l'alter, che l'è bona de sostegnì sforz de trazion.
La pò vess fada su de materiai fibros (naturai o sintetegh) o metallegh: in tra i primm a cuntom anca la seda, la caneva, la juta e 'l nylon.

Etimologia

La parolla corda la vegn del latin popolar chorda, de origin greca (chórdē in grech el voeur dì "budei"). L'è doperada anca in tanti alter lengov romanz (italian, portoghes e catalan corda, frances corde, spagnoeu cuerda, ocitan e piemontes còrda, forlan cuarde). El nomm latin classegh de la corda l'eva funis, che 'l se troeuva anca 'dess in de l'italian (e toscan) fune e in del sardegnoeu vune.