Nordtirol

Articul per Ladin Gherdëina

Cherta che mostra la spartizion moderna dl raion storich dl Tirol. L Nordtirol ie, sciche dij l inuem, la pert plu a nord.

L Nordtirol o Tirol dl Nord ie la pert a nord dl stat federel austriach Tirol. L Tirol ie spartì su te doi tòc (l'auter ie l Osttirol) che ie destachei l'un da l'auter da n tòch de 7 km che toca pra l stat federel dl Salzburg. L Nordtirol ie l majer di doi tòc y ënghe la sënta de la capitela dl stat, Dispruch.

L inuem Nordtirol univa n pert bel adurvà ai tëmps de l'Austria-Ungaria, ma vën adurvà mo de plu dala fin de la prima viera mundiela incà, da canche Südtirol y l Trentin ie stai destachei da la storica contea dl Tirol.