Stati Unïi d'America

ZE	Sta pàgina a l'é scrîta in zenéize

Stati Unïi
(1776): E pluribus unum ("Da tanti, un") (1956): In God we trust ("Credemmo in Dio")'
Stati Unïi - Localizzazione
Dæti aministratîvi
Nómme conplêto	Stati Unïi d'America
Nómme ofiçiâ	United States of America
Léngoe ofiçiæ	A livello federâ nisciûnn-a, dötrei stati a speçifican. De facto l'ingleize.
Capitâle	Washington  (705.749 ab. / 2019)
Polìtica
Fórma de govèrno	Repubbrica prescidensiâ federâ
Prescidente	Joe Biden
Segretâio de Stato	Kamala Harris
Indipendénsa	Da-o Regno Unïo a-i 4 de lûggio do 1776
Intrâ inte l'ONU	24 ötobre 1945 1. I Stati Unïi son in membro permanente do Conseggio de Seguéssa.
Superfìcce
Totâle	9.629.091 km² (3º)
% de ægoe	2,2%
Popolaçión
Totâle	333.287.557 ab. (2022) (3º)
Denscitæ	33,6 ab./km²
Nómme di abitànti	americàn, statuniténse
Giögrafîa
Continénte	America do Nòrd e Oçeania
Fûzo oràrio	UTC da -5 a -10
Economîa
Valûta	Dollaro statunitense (US Dollar)
PIL (nominâle)	13,020,861 milioìn de $ (2006) (1º)
PIL pro capite (nominâle)	43,444 $ (2006) (4º)
ISU (2005)	0,951 (ärto) (12º)
Vàrie
Codici ISO 3166	US, USA, 840
TLD	.us .um .edu .gov .mil
Prefìsso tel.	+1
Sigla autom.	USA
Inno naçionâ	The Star-Spangled Banner
Fèsta naçionâ	4 lûggio
Stati Unïi - Mappa
1 o l'è ûn di 51 Stati che into 1945 an dæto vitta a l'ONU. Membro da NATO da-o 1949

I Stati Unïi d'America (United States of America in ingleize, prononçiòu [juˈnaɪtəd ˈsteɪts əv əˈmɛrəkə]) son in paize de l'América do nòrd, a seu capitâ a l'è Washington. I Stati Unîi d'América son de spesso dîti Stati Unîi, U.S.A., The States ò America ascì.

L'influensa militâre, econòmica, colturâle e polìtica di Stati Unîi a l'è cresciûa senpre ciù into deximonòno e vintêximo sécolo. Dappeu a fìn de l'Union Sovietica e da Guæra Freida, i Stati Unîi son restæ l'ùnica superpossansa mondiâle.

I Stati di Stati Unîi d'América son ménbri de diverse òrganizaçioìn polìtiche e econòmiche mondiâli.

Stòia

Into 1776 i Stati Unïi d'America son stæti fondæ da un gruppo de separaçionisti de colonie britanneghe da costa atlantega. A Boston into 1775 arcun rivoluçionaï, travestiï da indien, han cacciòu in mâ arcunn-e casce de tè pe demostrâ a so protesta contra e tasce imposte da-o governo ingleise. Da lì a l'è partïa a Rivoluçion Americann-a ch'a l'ha portòu, a-a formaçion di Stati Unïi da e 13 colonie britanenghe. Into 1846 i Stati Unïi han combattùo unn-a guæra contra o Mescico e han coscì conquistòu o Texas.

Into XX Secolo han combattùo tutte e doe guære mondiæe, a Guæra de Corea e do Vietnam e dappeu inta segonda meitæ do Secolo son stæti in te 'n stæto de tenscion permanente co l'Union Sovietica dïto Guæra Freida. Ancheu i Stati Unïi occupan militarmente l'Iraq inte un conflitto ch'o l'è criticòu da diversci stati e da ben ben de Americhen ascì. Ancheu i Stati Unïi son a ciù grande potensa econòmica mondiâ, in concorénsa co-a Cinn-a.

Geögrafîa

I Stati Unïi comprendan, passa ai 48 stati continentæ, l'Alaska (o ciù grande di stati), e Hawaii e varri teritöi inte l'Oçeano Paçiffigo e inti Caraibi, compreiso Pòrto Rico.

I Stati Unïi son sovente divïxi in:

Stati da costa orientâ

Da nòrd a sud: Maine, Neuvo Hampshire, Vermont, Massachusetts, Isoa de Rhode (o ciù piccin di stati), Connecticut, Neuvo York, Pennsylvannia, Neuvo Jersey, Delaware, Maryland, Virginnia, Carolinn-a do Nòrd, Carolinn-a do Sud, Georgia, Florida.

Stati do Sûd

Virginnia, Carolinn-a do Nord e Carolinn-a do Sud, Georgia, Florida, e anche Virginnia Oççidentâ, Kentucky, Tennessee, Alabama, Louisiann-a, Arkansas, Oklahoma, Texas (spesso conscideròu fra i stati do sud-ovest).

Questa zöna a comprende a pàrte meridionâ (e e çimme ciù elevæ) di Appalachi, e ciù a ponente e montagne Ozark. I sciummi comprendan e foxe do Misciscippi e dö Río Grande. A ciù grande influença climatega a vegne do Gorfo do Mescico, e a conpòrta inverni miti, umiditæ, e de tanto in tanto di uraghen.

Stati do Midwest

Ohio, Michigan, Indiann-a, Wisconsin, Illinois, Missouri, Minnesota, Iowa, Dakota do Nòrd, Dakota do Sud, Nebraska e Kansas. Son in gran parte stati agricoli e industriæ (compreisa a "rust belt", a zona industriâ "inruzzenïa" inti anni settanta e ottanta da-a concorrensa, sorvetutto giapponeise), o climma o l'è estremmo: freido d'inverno, cädo de stæ, maccaia a lèvante e secco a ponente. O Midwest o l'incarna i valôi tradiçionæ di Stati Unïi: lòu, cà, famiggia e religion.

Stati centrâ

I stæti da zöna çentrâ ò montann-a son: Montann-a, Idaho, Wyoming, Nevadda, Utah, Colorado, Arizona, Neuvo Mescico. Questa a l'è a zöna meno abitâ do paize, e l'è dovve s'attreuvan tante mete turisteghe comme o Grand Canyon (Arizona) e Yellowstone (Wyoming).

Stati da costa oççidentâ

Washington, Oregon, California comprendan montagne ærte (comme a Sierra Nevadda), deserti (a Death Valley), e zöne ben ben ùmie (a costa).

Suddivixoin di Stati Unïi

I Stati Unïi d'America son (tra parentexi l'anno de l'intrâ inta confederaçion):

Statï

Alabama (1819) Alaska (1959) Arizona (1912) Arkansas (1836) California (1850) Carolinn-a do Nòrd (1788) Carolinn-a do Sud (1788) Colorado (1876) Connecticut (1788) Dakota do Nòrd (1889) Dakota do Sud (1889) Delaware (1787) Florida (1845) Georgia (1788) Hawaii (1959) Idaho (1890) Illinois (1818)

Indiann-a (1816) Isoa de Rhode (1788) Iowa (1846) Kansas (1861) Kentucky (1792) Louisiann-a (1812) Maine (1820) Maryland (1788) Massachusetts (1788) Michigan (1837) Minnesota (1858) Misciscippi (1817) Missouri (1821) Montann-a (1889) Nebraska (1867) Nevadda (1864) Neuvo Hampshire (1788)

Neuvo Jersey (1787) Niorche (1788) Neuvo Mescico (1912) Ohio (1803) Oklahoma (1907) Oregon (1859) Pennsylvannia (1787) Tennessee (1796) Texas (1845) Utah (1896) Vermont (1791) Virginnia (1788) Virginnia Oççidentâ (1863) Washington (1889) Wisconsin (1848) Wyoming (1890)

In distreito separòu, sotta a giurisdiçion do congresso, o l'è o Distreito de Combia, donde gh'é a çitæ de Washington, capitâ da naçion.

Teritöi

Teritöi di Stati Unïi son anche arcunn-e isoe do mâ di Caraibi e de l'Oçeano Paçiffigo:

Samoa Americann-e Isoe Vergini Americann-e Guam Isoe Marianne du Nord

Atollo Johnston (desabitòu) Kingman Reef (desabitâ) Isoe Midway (desabitæ) Isoa Navassa (desabitâ) Isoa Howland (desabitâ)

Atollo Palmyra (disabitòu) Isoa Baker (desabitâ) Isoa Jarvis (desabitâ) Isoa Wake

Teritöi in franca assoçiaçion

De naçioin indipendenti son in franca assoçiaçion co-i Stati Unïi d'America:

• Pòrto Rico
• Palau
• Micronesia

Galerîa d'inmàgine

• 
  O Golden Gate Bridge, in sciâ bâia de San Francisco
• 
  O Canpidòlio a Washington D.C., a sêde do Congrésso
• 
  A Stàtoa da Libertæ a Nêuva York
• 
  Inmàgine da misción Apollo 15 in sciâ Lùnn-a
• 
  O pàrco de Disneyland in Califòrnia

Âtri progètti

Altri progetti

• Wikimedia Commons

• Wikimedia Commons a contêgne di files in sce Stati Unïi d'America