Windjturbien

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

---

'n Riej aan windjturbiens.

'n Windjturbien is 'n modern windjmeule die wuuertj gebroek veur lektriciteit op te wèkke. Döks staon windjturbiens geconcentreerdj in groeate parke, wie oppe Maasvlakte. 'n Windjturbien zètj mit 'n drejjendje bewaeging de windj óm in lektriciteit middels 'ne generator.

Es methood veur innerzjie op te wèkke zeen windjturbiens hieël miljeuvruntjelik, meh ze höbben 't naodeil det ze neet ummer wirke; bie te weinig, mer ouch bie te väöl, windj staon ze stil. 'n Anger naodeil is det väöl veugel doeadgaon wen ze inne wiekke vlege. Daonaeve make de enorm wiekke väöl lewej. Ouch zeen väöl luuj windjturbiens es landjsjapsvervoelendj.